#SSMB29
#SSMB29 : టాలీవుడ్ ఇండస్ట్రీలో రాజమౌళి లాంటి విలక్షణమైన దర్శకుడు మరొకరు లేరు అనడంలో ఎలాంటి సందేహం లేదు. చిన్న చిన్న సీరియల్స్ (ధారావాహికలు)తో మొదలు పెట్టిన తన కెరీర్ పాన్ వరల్డ్ వరకు విస్తరించింది. ఇప్పటి వరకు ఫెయిల్యూర్ ఎరగని డైరెక్టర్ గా ఇండస్ట్రీలో కొనసాగుతున్నారు టాలీవుడ్ జక్కన్న. ఆయన ఒక సినిమాకు శ్రీకారం చుట్టారంటే దాని గురించి టాలీవుడ్, బాలీవుడ్ కాదు.. ఏకంగా హాలీవుడ్ లాంటి ఇండస్ట్రీలు సైతం చర్చించుకోవాల్సిందే. ఇలా ఆయన తెలుగు వారి కీర్తిని ప్రపంచ అంచుల వరకు తీసుకెళ్లగలిగాడు.
ఆయన సినిమా మొదలు పెట్టాడంటే చాలు హీరోలు ఓన్లీ ఆయన సినిమాకు మాత్రమే కాల్షీట్లు ఇవ్వాలి. మరో సినిమా చేసేందుకు ససే మీరా అంటారు రాజమౌళి. అలాగని రెమ్యునరేషన్ విషయంలో కాంప్రమైజ్ కావాలని చెప్పరు. రెండు నుంచి మూడు సినిమాలు చేస్తే ఎంత రెమ్యునరేషన్ ఇస్తారో.. అంతకూడా ఒక్క సినిమాకే చెల్లిస్తారు. ఇండస్ట్రీలో టాప్ స్టార్లకు ఆయన మంచి స్టార్ డం ఇచ్చాడు.
ఇక, ఇప్పుడు మహేష్ బాబుతో కలిసి సినిమా చేసేందుకు రెడీ అవుతున్నాడు. ప్రస్తుతం రాజమౌళి-మహేశ్ బాబు కాంబోలో వస్తున్న ఈ సినిమా పాన్ వరల్డ్ లో తొలిసారి టాలీవుడ్ లో అత్యంత భారీ బడ్జెట్ రూ. 1000 కోట్లతో తెరకెక్కుతుండటం విశేషం.
ఈ సినిమాపై చాలా వార్తలు బయటికి వస్తున్నాయి. అందులో ఏది నిజం.. ఏది అబద్ధం.. అనేది తెలియాలంటే సినిమా యూనిట్ అఫిషియల్ గా స్పందించాలి. అప్పటి వరకు వెయిట్ చేయాల్సిందే. ఇందులో భాగంగానే ఇప్పుడు కూడా ఒక న్యూస్ సోషల్ మీడియాలో విపరీతంగా చక్కర్లు కొడుతోంది.
అదంటంటే #SSMB29లో కోలీవుడ్ స్టార్ హీరో కార్తీ కీలకపాత్రలో కనిపించబోతున్నట్లు తెలుస్తోంది. ఇప్పటికే కార్తీ రాజమౌళి చెప్పిన మేకోవర్ లో బిజీగా ఉన్నట్టుగా వార్తలు వినిపిస్తున్నాయి. ఈ కథనాలపై సినిమా యూనిట్ ఇప్పటి వరకైతే ఎలాంటి అనౌన్స్‌మెంట్ చేయలేదు. కాబట్టి ఇది నిజమా..? లేక అబద్దమా..? అనే విషయాలు తెలియాల్సి ఉంది. ఇది ఇలా ఉంటే ఈ సినిమా సెట్స్ మీదకి ఎప్పుడు వెళ్తుంది.. అంటూ మహేష్ అభిమానులు సోషల్ మీడియా లో విపరీతమైన కామెంట్లు పెడుతున్నారు.