Kohli Broke Sachin Record : సచిన్ రికార్డును బ్రేక్ చేసిన కోహ్లీ.. టాలీవుడ్ సెలెబ్రిటీస్ ట్వీట్ల వర్షం.. 

Kohli Broke Sachin Record

Kohli Broke Sachin Record : ఎన్నాళ్ళ నుండో సచిన్ పేరు మీద ఉన్న రికార్డును కోహ్లీ బద్దలు కొట్టారు.. ఈ క్రమంలోనే తాజాగా కోహ్లీపై ప్రముఖులు ట్వీట్స్ చేస్తూ సోషల్ మీడియా వేదికగా సందడి సందడి చేస్తున్నారు.. మరి ఇంతకీ సచిన్ రికార్డ్ ఏంటి? కోహ్లీ ఏ రికార్డును చెరిపేసాడు? అనేది ఇప్పుడు తెలుసుకుందాం..

క్రికెట్ చరిత్రలో ఇన్నాళ్లు వన్డే క్రికెట్ లో అత్యధిక శతకాలు సాధించిన క్రికెటర్ గా సచిన్ టెండూల్కర్ మొదటి స్థానంలో ఉన్న విషయం తెలిసిందే.. మరి ఇప్పుడు ఇదే రికార్డును కోహ్లీ తన పేరిట వేసుకున్నాడు.. సచిన్ టెండూల్కర్ ఇప్పటి వరకు 452 ఇన్నింగ్స్ లలో 49 సెంచరీలు చేసి టాప్ లో ఉన్నారు.

ఈ రికార్డును సచిన్ ఖాతాలో గత కొన్నేళ్లుగా భద్రంగా ఉంది.. అయితే ఇదే రికార్డును ఇప్పుడు తాజాగా కోహ్లీ ఛేదించాడు.. కేవలం 278 ఇన్నింగ్స్ లోనే 50 సెంచరీలు చేసి రికార్డ్ బ్రేక్ చేసాడు.. నిన్న న్యూజిలాండ్ తో జరిగిన మ్యాచ్ లో కోహ్లీ తన 50వ సెంచరీని పూర్తి చేసాడు..

లెజెండరీ క్రికెటర్ సచిన్ రికార్డును కోహ్లీ బ్రేక్ చేయడంతో స్టేడియంలో ఫ్యాన్స్ అంత సందడి చేసారు.. ఈ మ్యాచ్ చూసేందుకు సచిన్ కూడా వచ్చారు.. ఈయన తన రికార్డును బ్రేక్ చేసినందుకు కోహ్లీని అభినందిస్తూ చప్పట్లు కొడుతూ ఎంకరేజ్ చేస్తూ కనిపించాడు. మరి ఈ రికార్డ్ బ్రేక్ కావడంతో సెలెబ్రిటీలు మొత్తం ట్వీట్ల వర్షం కురిపిస్తున్నారు. వెంకటేష్, రాజమౌళి, ఎన్టీఆర్ వంటి వారు కోహ్లీని అభినందిస్తూ పోస్టులు పెడుతున్నారు.