Test match
ఏ దేశం ఆడుతున్నా సరే ఒక ఇంటర్నేషనల్ మ్యాచ్ ఆడే సమయంలో ఇలాంటి గ్రౌండ్ కేటాయిస్తారా అని క్రికెట్ నిపుణులు మండిపడ్డారు. మరి ఇంత దారుణమైన పిచ్ ను ఎప్పుడు చూడలేదని ఆవేదన వ్యక్తం చేశారు. అఫ్గానిస్తాన్ టీం కివీస్ లాంటి పెద్ద జట్లతో ఆడాల్సిన ఏకైక మ్యాచ్ ను ఇలా ముగించాల్సి వస్తుందని ఎవరూ అనుకోలేదు.
ఇలా 1998లో భారత్, న్యూజిలాండ్ జట్ల మధ్య జరగాల్సిన మ్యాచ్ ఒకటి రద్దైనట్లు తెలుస్తోంది. కానీ అప్పుడున్న పరిస్థితులు వేరు ఇప్పుడున్న సౌకర్యాలు వేరు. బీసీసీఐ పెద్దలు సరిగా దృష్టి సారించకపోవడంతోనే ఇలాంటి వేదికను ఎంపిక చేశారని ఆరోపణలు వస్తున్నాయి.
గ్రేటర్ నోయిడా స్టేడియంలో ఎక్కువగా కార్పొరేట్ మ్యాచ్ లు జరిగేవి. అక్కడ స్పాట్ ఫిక్సింగ్ జరుగుతుందని తెలుసుకున్న బీసీసీఐ పెద్దలు ఆ స్టేడియంలో మ్యాచ్ ల నిర్వహణను కొనసాగించలేదు. ఇన్ని రోజుల తర్వాత ఒక ఇంటర్నేషనల్ మ్యాచ్ ను అలాంటి స్టేడియంలో నిర్వహించాలని అనుకోవడం పొరపాటే అవుతుందని క్రికెట్ ఎక్స్ ఫర్ట్స్ అభిప్రాయం వ్యక్తం చేస్తున్నారు.