Kilari Rosiah
Kilari Rosiah into Janasena : ఇటీవల వైసీపీకి రాజీనామా చేసిన మాజీ ఎమ్మెల్యే కిలారి రోశయ్య జనసేన పార్టీలో చేరనున్నారు. ఈ మేరకు మంగళగిరిలోని పార్టీ కార్యాలయంలో అధినేత పవన్ కల్యాణ్ తో ఆయన సమావేశమయ్యారు. ఆయనతో పాటు వియ్యంకుడు రవిశంకర్ కూడా జనసేన గూటికి చేరనున్నారు. 2019 ఎన్నికల్లో పొన్నూరు నియోజకవర్గం నుంచి గెలుపొందిన రోశయ్య 2024 సార్వత్రిక ఎన్నికల్లో గుంటూరు లోక్ సభ స్థానానికి పోటీచేసి పరాజయం పాలయ్యారు.
మాజీ ఎమ్మెల్యే కిలారి రోశయ్య ఆదివారం జనసేన పార్టీలో చేరబోతున్నట్లు తెలుస్తోంది. ఆయన తన అనుచరులతో చర్చించిన తర్వాత జనసేన పార్టీలో చేరాలని నిర్ణయం తీసుకున్నారు. మంగళగిరి పార్టీ కార్యాలయంలో డిప్యూటీ సీఎం పవన్ కల్యాణ్ సమక్షంలో ఆయన జనసేన కండువా కప్పుకోబోతున్నారు. మొదట రోశయ్య టీడీపీలోకి వెళ్లాలని భావించగా అక్కడి నుంచి గ్రీన్ సిగ్నల్ రాకపోవడంతో జనసేనలోకి వెళ్తున్నారు.