Khalistani Smuggling
Khalistani Smuggling : ఖలిస్తానీ కార్యకర్త కమల్ సింగ్ సూర్మ భారీ డ్రగ్స్ క్యాష్‌తో అమెరికా పోలీసులకు రెడ్ హ్యాండెడ్‌గా పట్టుబడ్డాడు. యునైటెడ్ స్టేట్స్‌లో ఖలిస్తానీ కార్యకర్త అని ఆరోపించిన వ్యక్తిని అరెస్ట్ చేసిన వీడియో పబ్లిక్ డొమైన్‌లోకి వచ్చింది.
1.5 మిలియన్ డాలర్ల విలువైన 50 కిలోల కొకైన్‌ను అక్రమంగా తరలించేందుకు ప్రయత్నిస్తుండగా కమల్ సింగ్ ను పోలీసులు అదుపులోకి తీసుకున్నారు. ఈ కొకైన్ ట్రయల్ ISI, పాకిస్తాన్ ఇంటెలిజెన్స్ ఏజెన్సీ భారత్ వ్యతిరేక కార్యకలాపాలకు నిధులు సమకూర్చేందుకు వినియోగించేందుకే అని కమల్ సింగ్ చెప్పినట్లు సోర్సెస్ CNN తెలిపింది. ఇప్పటి వరకు, అతని అరెస్టుపై అధికారిక ధృవీకరణ ఇంకా వెలుగులోకి రాలేదు.
Our Soorma, ‘BHAI Kamal Singh’ kept fainting after caught transporting 50 kilos of coke.
Parnaam yodheyan nu 🙏 pic.twitter.com/mzzfZ0yWlA
— Shiromani Gurdwara Parbandhak Committee Parody (@SGPCAmritsar_) May 15, 2024
వివిధ సోషల్ మీడియా ప్లాట్‌ఫారమ్‌లలో కనిపించిన ఈ వీడియో, ఆరోపించిన ఖలిస్తానీ కార్యకర్తను అమెరికా పోలీసులు అరెస్ట్ చేసి, సరుకును స్వాధీనం చేసుకున్నారు. తనిఖీల సమయంలో కమల్ సింగ్ సూర్మా నాటకీయతను ప్రదర్శించాడు. పోలీసుల నుంచి తప్పించుకునే ప్రయత్నంలో స్పృహ తప్పినట్లు ఒకటి కాదు రెండు సార్లు నటించాడు.
యూఎస్, కెనడాలో ఖలిస్తాన్ కార్యకలాపాలు పెరుగుతున్నాయి. ఈ నేపథ్యంలోనే యూఎస్ లో సూర్మ అరెస్ట్ అయ్యాడు. ఖలిస్తానీ ఏర్పాటు వాదులు గతేడాది శాన్ ఫ్రాన్సిస్కోలోని భారత కాన్సులేట్‌పై దాడి చేశారు. అనేక సందర్భాల్లో భారతీయ దౌత్య సంఘం సభ్యులు, ప్రవాస భారతీయులను లక్ష్యంగా చేసుకున్నారు.
ఈ నెల (మే) ప్రారంభంలో, భారతదేశంలోని అమెరికా రాయబారి ఎరిక్ గార్సెట్టి ఒక టీవీ ఛానల్ తో మాట్లాడుతూ.. ‘భారతీయ దౌత్యవేత్తలపై అమెరికా బెదిరింపులను తీవ్రంగా పరిగణిస్తుంది. భారత దౌత్యవేత్తలకు వ్యతిరేకంగా మేము ఎలాంటి బెదిరింపులను తీసుకుంటాము, మేము చేస్తున్న పని.. యునైటెడ్ స్టేట్స్‌లో జరిగిన ఏదైనా నేరపూరిత చర్యలకు ప్రజలు జవాబుదారీగా ఉండేలా చూస్తాము’ అని చెప్పారు.
‘భారతీయ దౌత్యవేత్తలు లేదా భారతీయ దౌత్య సదుపాయాలపై నేరపూరితమైన బెదిరింపులు లేదా నేరపూరిత చర్యలను మేము తీవ్రంగా పరిగణిస్తాము. ఆ దర్యాప్తును సమన్వయం చేయడంలో ప్రజలను జవాబుదారీగా చేయడంలో మేము మరింత అప్రమత్తంగా ఉన్నామని హామీ ఇస్తున్నాను’ అని గార్సెట్టీ చెప్పారు.
