Jai Hanuman : జై హనుమాన్ కోసం కేజీఎఫ్ ‘యష్’ను అడిగాడట.. ఆయన సమాధానం ఏంటంటే?

Jai Hanuman : ప్రశాంత్ వర్మ తీసిన హనుమాన్ సినిమా ఏ రేంజ్ బ్లాక్ బస్టర్ అయిందో అందరికీ తెలిసిందే. ఇక దీని సీక్వెల్ ‘జై హనుమాన్’ గురించి రోజుకో వార్త వినిపిస్తుంది. తాజాగా ఈ చిత్రంలో రాకింగ్ స్టార్ యష్ ఉండబోతున్నాడని సమాచారం. అయితే ఈ చిత్రం గురించి ఓ క్రేజీ న్యూస్ సోషల్ మీడియాలో చక్కర్లు కొడుతోంది.

‘హనుమాన్’ సినిమా కోసం రిషబ్ శెట్టిని అడిగామని, అప్పుడే కాంతార హిట్టయిన మూడ్ లో ఉన్న ఆయన ఇప్పుడే చేయలేనని చెప్పాడట. ఆ తర్వాత  ఓ పాన్ ఇండియా స్టార్ ను హనుమంతుల వారి పాత్ర కోసం కలిసినట్లు తెలిపారు. అయితే ఆ స్టార్ ‘హనుమాన్’ వరకు ఓకే కానీ ఆ తర్వాత సీక్వెల్ గురించి ఎలా ఉంటుందో చెప్పమన్నాడు. అది ఇప్పుడే సాధ్యం కాదంటే.. ఎందుకు ముందు ఆ సీక్వెల్ లో తన క్యారెక్టర్ ఎలా ఉంటుందో చెపితేనే ఓకే చెప్తానన్నాడు. దీంతో ఆ స్టార్ నటుడు అందులో నటించ లేదని తెలుస్తోంది. మరి సీక్వెల్ లో ఆ స్టార్ నటుడు నటిస్తాడో లేదో తెలియదు కానీ, రకరకాల వార్తలు మాత్రం వస్తున్నాయి.