Alla Ramakrishna : వైసీపీలో తిరిగి చేరికపై ఎమ్మెల్యే ఆళ్ల రామకృష్ణరెడ్డి కీలక వ్యాఖ్యలు

Alla Ramakrishna

Alla Ramakrishna : వైసీపీలో తిరిగి చేరికపై ఎమ్మెల్యే ఆళ్ల రామకృష్ణరెడ్డి కీలక వ్యాఖ్యలు చేశారు.  వైఎస్‌ఆర్ సిపి తనకు అన్ని రకాల అండగా ఉందన్నారు. రెండు సార్లు ఎమ్మెల్యే అయ్యే అవకాశం ఇచ్చిన పార్టీ కోసం ఏదైనా చేస్తానని అన్నారు. ఏది ఏమైనా మంగళగిరిలో వైసీపీ అభ్యర్థి బీసీ సామాజికవర్గం నుంచే పోటీచేస్తున్నారని గెలుపునకు సహకరిస్తానన్నారు.

వైసీపీ అంటే తనకు అభిమానం కాబట్టే తిరిగి వైసీపీలోకి వచ్చానని ఆళ్ల రామకృష్ణారెడ్డి అన్నారు. 2019లో ఏవిధంగా ఓ ఓసి వర్గం చేతిలో ఓటమి చెందాడే అదే విధంగా 2024 ఎన్నికల్లో కూడా లోకేష్ బీసీ అభ్యర్థి చేతిలో ఓటమి తథ్యమన్నారు.

రెండు నెలలు పార్టీకి దూరంగా ఉండవలసి వచ్చిందని  ఆర్కే కారణాలు వివరించాడు.  పేదలకు మంచి జరగకూడదన్నదే విపక్షాల ప్రయత్నం అన్నారు. విపక్షాల ప్రయత్నం ఫలించకూడదనే తిరిగి వైసీపీలో చేరానన్నారు.

మంగళగిరిలో వైసిపి అభ్యర్థిగా ఎవరిని బరిలో నిలబెట్టిన గెలిపిస్తానని అన్నారు.. రాజశేఖర్ రెడ్డి బాటలో నడుస్తున్న వ్యక్తి జగన్ అన్నారు. మరోసారి మంగళగిరిలో బీసీ అభ్యర్థి చేతిలో నారా లోకేష్ ఓటమి ఖాయం అని ఆర్కే అన్నారు. మంగళగిరి వైసీపీ అభ్యర్థి ఏవరనేది అధిష్టానం చూసుకుంటుందని వివరించారు.