KCR Bus Yatra
KCR Bus Yatra : లోక్ సభ ఎన్నికల నేపథ్యంలో బీఆర్ఎస్ అధినేత కేసీఆర్ రేపటి నుంచి రాష్ట్రవ్యాప్తంగా బస్సుయాత్ర ప్రారంభించనున్నారు. రేపటి నుంచి బస్సుయాత్ర ప్రారంభం కానుండడంతో బీఆర్ఎస్ పార్టీ బస్సును సిద్ధం చేసింది. ఈరోజు హనుమాన్ జయంతి కావడంతో బస్సుకు ప్రత్యేక పూజలు చేశారు.
కేసీఆర్ బస్సుయాత్రకు సంబంధించి రూట్ మ్యాప్, ప్రణాళికలు అన్నీ సిద్ధం చేశారు. ఈ క్రమంలోనే రేపటి నుంచి నల్లగొండ జిల్లాలోని మిర్యాలగూడ నుంచి బస్సుయాత్ర చేయనున్నారు. రేపటి నుంచి 17 రోజుల పాటు ఈ బస్సుయాత్ర కొనసాగి మే 10న సిద్దిపేటలో బహిరంగ సభతో ముగుస్తుంది. కాగా పార్లమెంట్ ఎన్నికల్లో గతంలో తాము గెలిచిన స్థానలతో పాటు మరిన్ని సీట్లలో విజయం సాధించడమే లక్ష్యంగా కేసీఆర్ ప్రతి పార్లమెంట్ పరిధిలోని రెండు, అంతకంటే ఎక్కువ నియోజకవర్గాల్లో రోడ్ షోలు నిర్వహించేందుకు ప్రణాళిక సిద్ధం చేశారు.