KTR
KTR Comments : కేసీఆర్ అంటేనే తెలంగాణ చరిత్ర.. ఆయన పేరును ఎవరూ తుడువలేరని బీఆర్ఎస్ కార్యనిర్వాహక అధ్యక్షుడు కేటీఆర్ అన్నారు. పదవుల కోసం రేవంత్ రెడ్డి పరితపిస్తున్నప్పుడు కేసీఆర్ ఉన్న పదవే వదిలేశారని పేర్కొన్నారు. ఈ మేరకు ఆయన ఎక్స్ వేదికగా పోస్టు చేశారు. ‘‘ఉద్యమకారులపై గన్ను ఎక్కుపెట్టినప్పుడు కేసీఆర్ ప్రాణాన్నే ఫణంగా పెట్టారు.. తెలంగాణను చంపేందుకు రేవంత్ బ్యాగులు మోసిన సమయంలో.. ఆయన రాష్ట్ర భవిష్యత్తుకు ఊపిరి పోశారు. కేసీఆర్ అంటేనే తెలంగాణ చరిత్ర.. మీరా ఆయన పేరును తుడిచేది?’’ అని కేటీఆర్ పేర్కొన్నారు.
ఈ సందర్భంగా మూసీపై ముందుకు.. కొనుగోళ్లపై వెనక్కు అన కేటీఆర్ విమర్శించారు. ‘‘రామన్నపేటకు రైరై.. కొనుగోలు సెంటర్లకు నైనై. దామగుండం ధనాధన్..ధాన్యం కొనుగోళ్లు డాండాం. కొనుగోళ్లకు దిక్కులేదు.. కాంగ్రెస్ కోతలకు లెక్కలేదు. దళారులకు దండిగా.. రైతన్నలకు దండగా. ఎద్దేడ్చిన ఎవుసం.. రైతు ఏడ్చిన రాజ్యం ఎప్పుడూ బాగుపడదు’’ అని కేటీఆర్ ఎక్స్ లో పోస్టు చేశారు.