Venu Swamy
Venu Swamy : వేణుస్వామి నిత్యం వివాదాల్లో ఉంటారు. కాంట్రావర్సీలతోనే ఆయన జ్యోతిష్కుడిగా పాపులర్ అయ్యారు. గిచ్చి కయ్యం పెట్టుకోవడంలో ఆయన తర్వాతే ఎవరైనా..రాజకీయ నాయకులు, సినిమా తారల జ్యోతిషం చూస్తూ వారిపై సంచలన వ్యాఖ్యలు చేస్తుంటారు. ఆయన చెప్పిన జ్యోతిషం ఏమైనా సక్సెస్ అయ్యాయా అంటే వేళ్ల మీద లెక్కపెట్టవచ్చు. తాజాగా ఆయన తెలంగాణ మాజీ సీఎం కేసీఆర్ మీద పడ్డారు. ఆయన జాతకం చూసి సంచలన వ్యాఖ్యలు చేశారు.
తాజాగా వేణుస్వామిని ఓ ఇంటర్వ్యూలో యాంకర్ కేసీఆర్ భవిష్యత్ ఎలా ఉండబోతోంది అని అడిగిన ప్రశ్నకు సమాధానం ఇస్తూ.. కొంచెం ఆలస్యమైనప్పటికీ కేసీఆర్ జైలుకు వెళ్లక తప్పదని సంచలన వ్యాఖ్యలు చేశారు. ఎలా జరుగుతుంది? ఏం జరుగుతుంది? అనేది తాను చెప్పలేనని, కానీ ఆయన అరెస్ట్ మాత్రం పక్కా అని బల్లగుద్ది మరీ చెప్పారు. గతంలో లిక్కర్ స్కాంలో కవిత అరెస్ట్ అవుతారని వేణుస్వామి చెప్పాడు. ఆయన చెప్పినట్టే రీసెంట్ గా ఈడీ అధికారులు ఆమెను అరెస్ట్ చేశారు.
ఇక చంద్రబాబు, కేసీఆర్ కూడా జైలు జీవితం గడపాల్సి ఉంటుందని చెప్పారు. ఆయన చెప్పినట్టే చంద్రబాబు జైలుకు వెళ్లివచ్చారు. ప్రస్తుతం కేసీఆర్ వంతు వచ్చేసింది. గత ప్రభుత్వ హయాంలో జరిగిన అక్రమాలపై కాంగ్రెస్ ప్రభుత్వం ముమ్మరంగా దర్యాప్తు చేయిస్తోంది. దీని ప్రకారం కేసీఆర్ జైలుకు వెళ్లక తప్పదని నెటిజన్లు కామెంట్ చేస్తున్నారు. మరి వేణుస్వామి జ్యోతిషం నిజమవుతుందా? అబద్ధమని తేలిపోతుందా ? అనేది కాంగ్రెస్ ప్రభుత్వం చేతిలో ఉంది.