Kasinadhuni Predictions : మోదీ, పవన్ చరిత్ర సృష్టిస్తారని ముందే చెప్పిన జ్యోతిష్య పండితుడు కాశీనాథుని!

Modi-Pawan

Kasinadhuni Predictions : రాజకీయ నాయకులు, సినిమా స్టార్లు జాతకాలను బాగా నమ్ముతారని చెబుతుంటారు. తమ జాతకం బాగుండాలని, తమకు కలిసిరావాలని దైవకార్యాలు చేయడంతో పాటు ఉంగరాల వంటివి ధరిస్తూ ఉంటారు. రాజకీయాల్లో కొందరు వీటిని పెద్దగా పట్టించుకోకపోయినా..కొందరు పండితులు మాత్రం ప్రముఖ నాయకుల జాతకాలు చెప్పి అభిమానుల్లో ఉత్సాహం నింపుతుంటారు. అయితే తాజాగా ఏపీలోనూ, దేశంలోనూ ఎన్డీఏ కూటమి అధికారంలోకి వస్తున్న విషయం తెలిసిందే. కేంద్రంలో మూడోసారి మోదీ ప్రధానిగా బాధ్యతలు స్వీకరించబోతున్నారు. అలాగే ఏపీలో చంద్రబాబు సీఎం పదవీ ప్రమాణ స్వీకారం చేయబోతున్నారు. ఏపీలో కూటమి విజయంలో కీలకంగా నిలిచిన పవన్ కల్యాణ్ తాను పిఠాపురంలో ఘన విజయం సాధించడమే కాదు..వందశాతం స్ట్రైక్ రేట్ తో పోటీ చేసిన అన్ని స్థానాల్లోనూ జనసేన అభ్యర్థులు గెలిచి చరిత్ర సృష్టించారు.

అయితే ఈ ఫలితాలను ప్రముఖ తెలుగు జ్యోతిష్య పండితుడు కాశీనాధుని సుబ్రహ్మణ్యం రెండు వారాల కిందటే చెప్పడం విశేషం. మోదీ జాతకాన్ని, పవన్ జాతకాన్ని చూసిన ఆయన వీరు రాజకీయంగా మరో మెట్టు ఎక్కుతారని చెప్పారు. ప్రధాని మోదీ మరోసారి అధికారంలోకి రావడం ఖాయమని ఆయన జాతకాన్ని బట్టి వివరించారు. ఇక పవన్ కల్యాణ్ కు ఏలినాటి శని దశ నడుస్తోందని..అందుకే 2019లో ఆయన ఓడిపోయారని చెప్పారు. ఏలినాటి శని దశ 2025 జూలైతో ముగుస్తుందని తెలిపారు. అయితే ఈ శని ప్రభావం ఉన్నా కూడా 2024 మే 1న గురుదశ ప్రారంభం కావడంతో రాజకీయంగా ఆయన మంచి ఫలితాన్ని అందుకుంటారని చెప్పారు. రాష్ట్రంలో, కేంద్రంలో ఆయన కీలకంగా మారుతారని తెలిపారు. ఏలినాటి శని వచ్చే ఏడాది ముగిస్తే పవన్ సినిమా రంగంలోనూ, రాజకీయ రంగంలోనూ ఆయన కీర్తి మరింత పెరుగుతుందని చెప్పారు. గురు దశ ప్రారంభమైన వారు సముద్రంలో పడేసినా ఈదుకుంటూ వస్తారని పెద్దలు చెప్పినట్టుగా పవన్ కు గురు దశ ప్రారంభం కావడంతో ఆయన ఘన విజయాలు సాధిస్తారని చెప్పారు.

కాగా  పండితులు కాశీనాధుని సుబ్రహ్మణ్యం చెప్పిన మాటలు నేడు అక్షరాల నిజం కావడంతో ఆయన చెప్పిన వీడియోను బీజేపీ, జనసేన శ్రేణులు తెగ వైరల్ చేస్తున్నాయి.