Kamal Haasan
Kamal Haasan : భారతీయుడు -2 సినిమా గురించి కమల్ హాసన్ చేసిన వ్యాఖ్యలు వివాదాస్పదంగా మారాయి. భారతీయుడు -2 కంటే భారతీయుడు -3 మూవీ సినిమా మరింత క్రేజ్ ఉంటుందని అన్నాడు. దీనిపై నెటిజన్లు తప్పుగా అర్థం చేసుకున్నారని కమల్ హాసన్ క్లారిటీ ఇచ్చాడు. చెన్నై లో విలేకరుల సమావేశంలో కమల్ హాసన్ మాట్లాడుతూ.. భారతీయుడు 2 కూడా ఎంతో బాగుంటుంది అని చెప్పాడు.
భారతీయుడు -2 మూవీ కోసం ఆరేళ్లుగా తాను ఎంతో కష్టపడ్డానని తనతో పాటు టీం కూడా ఎంతో శ్రమంచిందని పేర్కొన్నాడు. షూటింగ్ సమయంలో గాయపడటం, కొవిడ్ తర్వాత చాలా మంది నటులు చనిపోవడం ఇలా ఎన్నో పరిణామాలు వచ్చాయి. అయినా ఎంతో కష్టపడ్డమని తెలిపాడు. ఈ మీటింగ్ లో డైరెక్టర్ శంకర్, నటుడు సిద్ధార్థ పాల్గొన్నారు.
ఈ నెల 12 న ఈ మూవీ 3.04 గంటల నిడివితో విడుదల కానుంది. అయితే భారతీయుడు -2 కంటే భారతీయుడు -3 పలు అంశాల్లో తనను ఆకట్టుకుందని తెలిపాడు. సేనాపతి క్యారెక్టర్ కోసం చాలా శ్రమించాను. భారతీయుడు సినిమా ఎంత పెద్ద హిట్ అయిందో ఎంతో మందికి తెలుసు. అందులో సేనాపతి పాత్ర ద్వారా కమల్ హాసన్ ఎంతో ఫేమస్ అయ్యాడు. భారతీయుడు లో రెండు పాత్రల్లో నటించిన కమల్ హాసన్ సక్సెస్ ఫుల్ అయ్యాడు.
చరిత్ర సృష్టించిన ఈ మూవీ కి తెలుగు తో పాటు భారత్ వ్యాప్తంగా ఎంతో మంది ఫ్యాన్స్ ఉన్నారు. భారతీయుడు 2 చిత్రాన్ని డైరెక్టర్ శంకర్ ప్రతిష్టాత్మకంగా తీసుకుని తెరకెక్కించాడు. అయితే ఈ మూవీకి సీక్వెల్ గా తెరకెక్కిన భారతీయుడు 2 మూవీ ట్రైలర్ విడుదల కాగా.. మంచి రెస్ఫాన్స్ వచ్చింది. కమల్ హాసన్ మాట్లాడుతూ.. ఈ మూవీ చాలా బాగుంటుందని ఎవరూ కూడా తప్పుగా అర్థం చేసుకోకుండా థియేటర్లకు వచ్చి సక్సెస్ చేయాలని కోరారు.