Devil Trailor:బ్రిటీష్ సీక్రెట్ ఏజెంట్ ఆప‌రేషన్?
Devil Trailor:నందమూరి కళ్యాణ్‌రామ్ నటించిన డెవిల్ ప్రీవిజువ‌ల్స్ ఇప్ప‌టికే భారీ హైప్ ని పెంచిన సంగ‌తి తెలిసిందే. టీజ‌ర్ లు, పాట‌లు ఆక‌ట్టుకున్నాయి. ఈ సినిమా డిసెంబర్ 29న విడుదల కానుంది. పాన్ ఇండియన్ యాక్షన్ డ్రామా క‌థాంశంతో తెర‌కెక్కిన ఈ సినిమాని అభిషేక్ నామా నిర్మించ‌డ‌మే గాక, దర్శకత్వం వహించారు. తాజాగా మేకర్స్ థియేట్రికల్ ట్రైలర్‌ను రిలీజ్ చేసారు.
జ‌మీన్ లోని ఒక హత్య కేసును ఛేధించాలని బ్రిటీష్ ప్రభుత్వం ఏజెంట్ డెవిల్ (కళ్యాణ్‌రామ్)ని ఆదేశించాక ఏం జ‌రిగింద‌న్న‌దే ఈ సినిమా. మిస్ట‌రీని ఛేధించేందుకు డెవిల్ మద్రాసు వెళ్తాడు. అయితే ప‌రిశోధ‌న‌లో కొన్ని ప్ర‌శ్న‌ల‌కు సమాధానాలు రాబట్టడంలో డెవిల్ సక్సెస్ అయ్యాడా లేదా? హ‌త్య‌కు కార‌ణ‌మేమిటో క‌నిపెట్టాడా లేదా? అన్న‌దే మిగిలిన సినిమా. ట్రైలర్ ఆద్యంతం ర‌క్తి క‌ట్టించింది. ఈ సినిమా స్థాయిని ఎలివేట్ చేసే అద్భుతమైన విజువల్స్, సాలిడ్ యాక్షన్ ప్ర‌తిదీ అద్భుతంగా ఉన్నాయి. అద్భుతమైన ప్రొడక్షన్ డిజైన్ ఈ ట్రైలర్ కి ప్రధాన అస్సెట్.
కళ్యాణ్‌రామ్ ఈ చిత్రంలో పూర్తిగా కొత్త అవతార్‌లో కనిపిస్తున్నాడు. అత‌డు మెస్మరైజింగ్ స్క్రీన్ ప్రెజెన్స్ బహుముఖ ప్రజ్ఞతో అల‌రించాడు. సంయుక్తా మీనన్, మాళవిక నాయర్ కథానాయికలుగా త‌మ‌దైన ముద్ర వేయ‌డంలో విఫ‌లం కాలేదు. సంయుక్త మీనన్ తన అందంతో స్క్రీన్‌ను బ్లాస్ట్ చేసింది. మాళవిక నాయర్ పాత్ర ఒక రహస్యమైన అంశాన్ని పరిచయం చేసింది. ఈ మ‌ల్లూ బ్యూటీ డెవిల్ కథలో కీలక పాత్ర పోషిస్తుందని అర్థ‌మ‌వుతోంది.
అలాగే విజువల్స్ ప్రేక్షకులను పాత కాలంలోకి తీసుకుని వెళ‌తాయి. ఆకట్టుకునే సంగీతం గ్రిప్పింగ్ సినిమాటిక్ అనుభవాన్ని అందిస్తోంది. డెవిల్‌లో అజయ్, సీత, సత్య, RRR ఫేమ్ ఎడ్వర్డ్ సోన్నెన్‌బ్లిక్ కూడా కీలక పాత్రల్లో నటించారు. హర్షవర్ధన్ రామేశ్వర్ స్వరాలు సమకూర్చారు. శ్రీకాంత్ విస్సా కథ, మాటలు, స్క్రీన్‌ప్లే అందించారు.