Kalki Movie
Kalki Movie Records : కల్కి 2898 ఏడీ మూవీ రికార్డు స్థాయి కలెక్షన్లతో రికార్డులు బ్రేక్ చేస్తూ పాన్ ఇండియా లెవల్లో సరికొత్త చరిత్ర సృష్టిస్తూ దూసుకుపోతూనే ఉంది. జూన్ 27న విడుదలైన ఈ పాన్ ఇండియా మూవీలో ప్రభాస్, అమితాబ్ బచ్చన్, దీపికా పదుకొనే, దిశా పటానీ, కమల్ హాసన్, శోభన లాంటి అగ్ర నటీనటులు నటించారు.
ఈ మూవీ మొదటి వారంలో ఏకంగా రూ. 500 కోట్లకు పైగా వసూలు చేసి రికార్డు స్థాయి కలెక్షన్లతో సినిమా రంగాన్నే ఆశ్చర్యపరిచింది. తెలుగు డైరెక్టర్ నాగ్ అశ్విన్ డైరెక్షన్ లో తెరకెక్కిన ఈ మూవీ ఆడియన్స్ ను ఆకట్టుకుంటోంది. వైజయంతీ మూవీస్ లో అశ్వినీ దత్ నిర్మాతగా భారీ బడ్జెట్ తో ఈ సినిమాను నిర్మించారు. అశ్వినిదత్ కు ఈ సినిమా ఎంతో ఇంపార్టెన్స్ కాగా.. దీని కోసం అహర్నిశలు కష్టపడ్డారు.
తెలుగు, తమిళ, మలయాళ, కన్నడ ఇండస్ట్రీలతో ఈ సినిమా కలెక్షన్ల వర్షం రాబట్టింది. కల్కి మొదటి వారంలో తెలుుగలో 213 కోట్ల రూపాయలు, తమిళంలో 23 కోట్లు, హిందీలో 163 కోట్లు, కన్నడలో 35 కోట్ల రూపాయలు, మలయాళంలో 14 కోట్ల రూపాయలు వసూలు చేసింది. దీంతో కేవలం ఇండియాలోనే కల్కి మూవీ రూ. 450 కోట్ల కలెక్షన్లు రాబట్టింది.
రెండో వారంలో కూడా భారీగా కలెక్షన్ల తో అదరగొట్టింది. తెలుగులో రూ. 41 కోట్లు, తమిళంలో రూ. 9 కోట్లు, హిందీలో రూ. 70.5 కోట్లు, కన్నడలో రూ.15 కోట్లు, మలయాళంలో రూ. 5.8 కోట్లు కలెక్షన్లు రాబట్టగా.. రూ. 140 కోట్లు వసూలు చేసింది. మూడో వారంలో సౌత్ ఇండియాలో ఉన్న అన్ని థియేటర్లలో భారీ కలెక్షన్లు రాబట్టగా.. ఓవర్సీస్ లో మొత్తంగా రూ. 250 కోట్లకు పైగా కలెక్షన్లతో.. ఓవరాల్ గా రూ. 1080 కోట్లకు పైగా కలెక్ట్ చేసి తెలుగు సినిమా చరిత్రలో మరో మైలురాయిగా మిగిలింది.