America – Kalki : అమెరికాలో ‘కల్కి’ ప్రభంజనం.. కలెక్షన్స్ లో సరికొత్త రికార్డు

America – Kalki

America – Kalki : నార్త్ అమెరికాలో ‘కల్కి’ ప్రభంజనం సృష్టిస్తోంది. అక్కడ కలెక్షన్స్ లో సరికొత్త రికార్డులను నమోదు చేస్తోంది. పురాణాలకు సైన్స్ ను ముడిపెట్టి నాగ్ అశ్విన్ తెరకెక్కించిన ఈ చిత్రం ప్రేక్షకుల ప్రశంసలు అందుకుంటోంది. ప్రభాస్ తో పాటు ఇతర అగ్ర నటీనటుల నటనకు ప్రేక్షకులు ముగ్ధులవుతున్నారు. ఈ మూవీ విడుదలకు ముందే ఎన్నో రికార్డులు సొంతం చేసుకుంది. విడుదల తర్వాత కూడా అదే హవా కొనసాగిస్తోంది. నార్త్ అమెరికాలో ఆల్ టైమ్ రికార్డును నమోదు చేసింది.

నాగ్ అశ్విన్ ఈ మూవీని హాలీవుడ్ రేంజ్ లో రూపొందించడంతో అక్కడి ప్రేక్షకులనూ ఈ సినిమా మెప్పిస్తోంది. నార్త్ అమెరికాలో ప్రీ సేల్ బుకింగ్స్ లోనే పలు చిత్రాల రికార్డులను బ్రేక్ చేసిన ‘కల్కి’ రిలీజ్ తర్వాత అన్నిటిని దాటి టాప్ లో నిలిచింది. ప్రీమియర్ కలెక్షన్స్ లోనే 3.8 మిలియన్ డాలర్లతో అత్యధిక వసూల్లు సాధించిన భారతీయ సినిమాగా రికార్డును సొంతం చేసుకుంది. ప్రీమియర్స్ లోనే ‘ఆర్ఆర్ఆర్’ కలెక్షన్స్ క్రాస్ చేయడం విశేషం. ఈ సినిమా తర్వాత స్థానాల్లో ‘ఆర్ఆర్ఆర్’ (3.4 మిలియన్లు), సలార్ (2.6 మిలియన్లు), బాహుబలి-2 (2.45 మిలియన్లు) నిలిచాయి. ప్రీమియర్స్, మొదటిరోజు కలెక్షన్స్ కలిపి అమెరికాలో ‘కల్కి’ 5 మిలియన్ డాలర్లు వసూలు చేసింది. అమెరికాలో ఎక్కువ కలెక్షన్లు సాధించిన తెలుగు సినిమాల్లో ‘కల్కి’ ఒక్క రోజులోనే 5వ స్థానాన్ని సొంతం చేసుకుంది.