Kalki 28982 AD
Kalki 28982 AD Ticket Rates : నాగ్ అశ్విన్ దర్శకత్వంలో ప్రభాస్ నటించిన భారీ బడ్జెట్ మూవీ ‘కల్కి 28982 ఏడీ’ టికెట్ రేట్లు పెంచుకునేందుకు ఏపీ ప్రభుత్వం అనుమతినిచ్చింది.ఈ మేరకు ప్రభుత్వం ఉత్తర్వులు జారీ చేసింది. రెండు వారాల పాటు సింగిల్ స్క్రీన్ లలో రూ.75, మల్టీప్లెక్స్ లలో రూ.125 మేర పెంచుకోవచ్చింది. అలాగే రోజుకు ఐదు షోలు వేసేందుకు కూడా అనుమతిచ్చింది.
కాగా, ఈ సినిమాకు టికెట్ ధరల పెంపు, అదనపు షోలకు తెలంగాణ ప్రభుత్వం అనుమతి ఇచ్చింది. ఈ నెల 27 నుంచి జులై 4 వరకు 8 రోజుల పాటు టికెట్ ధరలు పెంచుకునేందుకు వెసులుబాటు కల్పించింది. సింగిల్ స్క్రీన్ థియేటర్లలో రూ.75, మల్టీప్లెక్స్ ల్లో రూ.100 వరకు పెంచుకోవచ్చని పేర్కొంది. దీంతో పాటు ఈ నెల 27న ఉదయం 5.30 గంటల షోకు తెలంగాణ ప్రభుత్వం అనుమతి ఇచ్చింది.