Kalki 2898 AD : బుజ్జిని చూపించకున్నా.. ఎవరో తెలిసిపోయింది

Kalki 2898 AD

Kalki 2898 AD : ఒక్కపోస్ట్ తో సోషల్ మీడియాను షేక్ చేశారు రెబల్ స్టార్ ప్రభాస్. ఆ ఒక్క పోస్ట్ తో ఎవరికి తోచిన విధంగా వారు ఊహల్లోకి వెళ్లిపోయారు.  ఇక ప్రభాస్ స్పెషల్ పర్సన్ తన కాబోయే భాగస్వామిని  చూపిస్తారని అందరూ ఉత్కంఠగా ఎదురు చూశారు. కానీ  ప్రభాస్ పోస్ట్ చేసింది తన వ్యక్తిగత జీవితం గురించి కాదని,  భారతీయ ప్రేక్షకులు ఎంతో ఆసక్తిగా ఎదురు చూస్తున్న కల్కిడ2898ఏడీ అని తెలిసిపోయింది.  

డార్లింగ్ ప్రభాస్ కల్కి 2898 ఏడీ మూవీ నుంచి ఎవరూ ఊహించని అప్డేట్ శనివారం సాయంత్రం ఐదు గంటలకు రిలీజ్ చేస్తామని మేకర్స్ ప్రకటించారు. ఆ టైమ్ కు అభిమానులు ఎంతో ఉత్కంఠగా ఎదురు చూశారు. కానీ 7గంటల వరకు అప్డేట్ రాకపోవడంతో డార్లింగ్ అభిమానులు తీవ్ర స్థాయిలో విరుచుకుపడ్డారు. ఇదంతా యూవీ క్రియేషన్స్ ట్రైనింగ్ అని, వైజయంతీ మూవీస్‌ని కూడా ఇలా మార్చేశారు  కదా? అంటూ నెటిజన్స్ ట్రోల్ చేశారు.  

ఇక డార్లింగ్ ప్రభాస్ బుజ్జి అంటూ చక్కగా ప్రమోట్ చేశాడు. బుజ్జి . .హీరోయిన్ పేరు అయి ఉంటుందని అనుకున్నారు.  హీరోయిన్ పాత్రకు సంబంధించిన లుక్ వెల్లడిస్తారిన భావించారు. కానీ బుజ్జి అంటే ఈ సినిమాలో ప్రభాస్ వాడే వాహనం అని తెలిసిపోయింది.  ఆ వాహనానికి బుజ్జి అని పేరు పెట్టేశారు. ఆ బుజ్జికి హీరోయిన్ కీర్తి సురేష్ వాయిస్ ఓవర్  కూడా బాగా సెట్ అయ్యింది.  

వెల్డర్ నుంచి ప్రొడ్యూసర్ దాకా

అసలు బుజ్జి ఎలా ఉంటుందో  చెప్పే క్రమంలో  ఈ సినిమాలో పని చేసిన టెక్నీషియన్స్ అందరినీ చూపించారు టీజర్ లో. వాళ్లు పడిన కష్టం, ఎలా తయారు చేశారో అన్నీ టెక్నీషియన్ల ద్వారా చెప్పించే ప్రయత్నం చేశారు.  ఓవరాల్ గా తెలిసింది ఏమిటంటే బుజ్జి అంటే ఈ సినిమాలో ప్రభాస్ వాడే వాహనం. ఆ వాహనాన్ని ముద్దుగా పిలుచుకునే పేరు అని అర్థమైంది.  బుజ్జి మేకింగ్ కోసం టీం కష్టపడే తీరుని బాగా చూపించారు. అయితే బుజ్జి లుక్ మాత్రం రివీల్ చేయలేదు. మే 22న చూపిస్తామని చెప్పేశారు.  సో ఈ బుజ్జిని చూడాలంటే ఈ నెల22 దాకా వెయిట్ చేయాల్సిందే.