Kalki 2 Update : కల్కి 2 అప్ డేట్.. అప్పుడే అంచనాలు పెంచుతున్న నాగ్ అశ్విన్..

Kalki 2 Update

Kalki 2 update : కల్కి సినిమా బంపర్ సక్సెస్ తో పాన్ ఇండియా దర్శకుడిగా గుర్తింపు తెచ్చుకున్నారు నాగ్ అశ్విన్. ప్రభాస్, దీపికా పదుకొణె, కమలహాసన్, శోభన, రాజేంద్రప్రసాద్ లాంటి తారాగణంతో ఈ సినిమాను తెరకెక్కించి, పెద్ద హిట్ ను సాధించారు. ప్రస్తుతం ఈ సినిమాకు రెండో పార్ట్ పైనే అందరి దృష్టి నెలకొని ఉంది. ఇక దీనిపై తాజాగా దర్శకుడు నాగ్ అశ్విన్ మాట్లాడిన మాటలు వైరల్ అవుతున్నాయి. కల్కి 2 పై అంచనాలను మరింత పెంచుతున్నాయి. కల్కి 2898 ఏడీ చిత్రానికి రెండో పార్ట్ కు సంబంధించి ఆయన అప్పుడో ప్రమోషన్స్ మొదలుపెట్టినట్లుగా కనిపిస్తున్నది.

అయితే ఈ సినిమాపై నటుడు అర్షద్ చేసిన వ్యాఖ్యలపై ఆయన స్పందించారు. ‘అభిప్రాయాలను ఎవరైనా వ్యక్తం చేయొచ్చు..కానీ చెప్పే విధానం ఒకటి ఉంటుంది.. అని అన్నారు. ఇక్కడ నార్త్, సౌత్, టాలీవుడ్, బాలీవుడ్ అని వేరు చేసుకుంటూ మనం వెనక్కి వెళ్లొద్దు. అందరం ఒక్కటే అనే భావన ఉండాలి. డార్లింగ్ కు వెయ్యికోట్ల హిట్ ను ఇచ్చిన దర్శకుడిగా నాగ్ అశ్విన్ నిలిచారు. ఇక ఈ సందర్భంగా సెకండ్ పార్ట్ పై కూడా ఆయన స్పందించారు.

నాగ్ అశ్విన్ మాట్లాడుతూ ‘ ఈ సారి మరింత కష్టపడుతాం. ప్రభాస్ ను బెస్ట్ గా చూపించే ప్రయత్నం చేస్తా’ అంటూ తెలిపారు. రెండో పార్ట్ లో ప్రభాస్ పాత్ర మరింత అలరించనుందని ఆయన చెప్పకనే చెప్పారు. మొదటి పార్ట్ కొంత కామెడీ పార్ట్ ప్రభాస్ కు ఎక్కువ ఉందని టాక్ రావడంతో ఆయన ఇలా స్పందించారని అనుకుంటున్నారు. అయితే అప్పుడే సెకండ్ పార్ట్ పై ప్రమోషన్ మొదలుపెట్టారంటూ మరికొందరు సోషల్ మీడియాలో కామెంట్లు పెడుతున్నారు. ఏదేమైనా డార్లింగ్ ఫ్యాన్స్ కు మాత్రం నాగ్ అశ్విన్ మాటల భలే సంతోషానిచ్చాయట. ప్రభాస్ కు మరో సక్సెస్ రాబోతున్నదని ఈసారి బాక్స్ లు బద్దలు కావాలని అభిమానులు ఎదురు చూస్తున్నారు. మరి నాగ్ అశ్విన్ ఈ సినిమా షూటింగ్ షెడ్యూల్, విడుదల తేదీలపై ఎలాంటి అప్ డేట్ మాత్రం ఇవ్వకపోవడం వారిలో నిరాశను నింపినట్లు కనిపిస్తున్నది.