KA Movie Tamil
KA Movie in Tamil : కిరణ్ అబ్బవరం హీరోగా నటించిన కేఏ మూవీ అక్టోబర్ 31న దీపావళి రోజు థియేటర్లలో గ్రాండ్ గా రిలీజ్ కానుంది. అయితే ఈ మూవీని సౌత్ ఇండియాలోని అన్ని లాంగ్వేజ్ లలో థియేటర్లలో రిలీజ్ చేయాలని ముందే కిరణ్ అబ్బవరం అనుకున్నారు. దీనికి సంబంధించి పనులను ముందుగానే చేసుకున్నారు. తెలుగు, తమిళ, కన్నడ, మలయాళంతో పాటు హిందీలో కూడా కేఏ సినిమాను రిలీజ్ చేయాలని నిర్ణయం తీసుకున్నారు.
కానీ ఇప్పుడు కిరణ్ కాస్త వెనకబడ్డారు. తమిళంలో ఈ సినిమా రిలీజ్ ను ఆపాలని అనుకుంటున్నాడు. ఎందుకంటే దీపావళి రోజు శివ కార్తికేయన్, సాయి పల్లవి జంటగా నటించిన అమరన్ మూవీ రిలీజ్ కానుంది. ఈ సందర్భంగా దీనికి ఇప్పటికే తమిళ ఇండస్ట్రీలో ఎక్కువగా హైప్ క్రియేట్ అయింది. తమిళంలో నేరుగా తీసిన సినిమా కాబట్టి అమరన్ మూవీకే తమిళ ప్రేక్షకులు బ్రహ్మరథం పట్టనున్నారు. కాగా దీన్ని సీరియస్ గా తీసుకున్న కిరణ్ అబ్బవరం తన కేఏ మూవీని కొన్ని రోజుల పాటు తమిళ్ లాంగ్వేజ్ లో రిలీజ్ చేయకుండా ఉండేందుకు ప్రయత్నిస్తున్నారు.
ఎందుకంటే తమిళ్ లో డబ్బింగ్ మూవీలు కాకుండా నేరుగా వచ్చే మూవీలు బాగా ఆడతాయి. ఇలా ఆడటం ఒక కారణమైతే శివ కార్తికేయన్ మూవీ ప్రత్యేక మైన జానర్ లో వస్తుంది. దీంతో అనవసరంగా రిస్క్ తీసుకోవడం ఇష్టం లేని కిరణ్ అబ్బవరం.. ఎలాగైన సరే సినిమాను వాయిదా వేసుకుని తర్వాత రిలీజ్ చేసుకోవాలని అనుకుంటున్నాడని టాక్.
మలయాళంలో ఇలాగే చేయాలని అనుకున్న వెనక్కి తగ్గినట్లు తెలుస్తోంది. దుల్కర్ సల్మాన్ మూవీ లక్కీ భాస్కర్ కూడా రిలీజ్ ఉంది. కానీ అక్కడ మాత్రం కేఏను రిలీజ్ చేయాలనే ముందుకు సాగుతున్నారు. అయితే కిరణ్ అబ్బవరం ఈ సినిమా కోసం ప్రత్యేకంగా కష్టపడ్డట్లు తెలుస్తోంది. ఈ సినిమా ట్రైలర్ రిలీజ్ కాగా.. ఇప్పటికే మంచి రెస్పాన్స్ వస్తోంది.