Viral Video : ఒక్క అడుగు వేయండి..ప్రపంచం మారిపోతుంది.. వైరల్ వీడియో..

Viral Video

Viral Video : ప్రపంచంలో ఎంతో మంది అపన్నులు ఉన్నారు. కొందరు అందరు ఉండి అనాథలుగా మారితే..మరికొందరు తినడానికి తిండి లేక, చేయడానికి పనిలేక ఎంతో మంది నిరాశ్రయులుగా మారుతున్నారు. ఇలాంటి వారు మనదేశంలో కోకొల్లలుగా ఉంటారు. పట్టణాలు, నగరాలు రోడ్లపైకి వెళ్తే చాలు ఎంతో మంది అడుక్కుంటూ తమ జీవనం సాగిస్తుంటారు. రోడ్ల పక్కన చెట్లకింద, ఫుట్ పాత్ లు, బస్ స్టేషన్లు, రైల్వే స్టేషన్ల ఎదుట ఎంతో మంది కనిపిస్తుంటారు.

మన ప్రపంచం స్వార్థపూరితంగా మారుతోంది. అపన్నుల కోసం కొంతమంది ఏదో రూపంలో సాయం చేస్తున్నా అది ఏ మాత్రం సరిపోదు. దీనికి అందరూ ముందుకురావాలి. ప్రభుత్వాలు కూడా తమ ప్రయత్నం చేయాలి. అనాథల పట్ల పలువురు  మానవతను ప్రదర్శిస్తూనే ఉంటారు. అలాంటి సంఘటనే ఈ వీడియో.  ఒక చిన్న సహాయం, మన వైపు నుంచి ఒక చిన్న చొరవ అద్భుతాలు చేయగలవు. ఇప్పుడు వైరల్ గా మారిన ఈ కింది వీడియోపై మీరూ ఓ లుక్కేయండి. ఒక విదేశీయుడు నిస్సహాయుడైన వృద్ధుడిని దయనీయ స్థితిలో చూస్తాడు. ఇతరులు పట్టించుకోనప్పటికీ అతను సహాయం చేయడానికి ముందుకు వస్తాడు.

వృద్ధుడిని చూస్తే దారుణంగా ఉన్నాడు. పెరిగిన పొడవాటి జుట్టు, మాసిన గడ్డం, మురికి దుస్తులు, మనిషి దగ్గరకు వెళ్తేనే దుర్వాసన.. మిగతా వారైతే అతడికి దగ్గరకు కూడా వెళ్లేవారు కాదేమో. కానీ ఆ విదేశీయుడు వృద్ధుడిని దగ్గరకు తీసుకుని  అతడి పొడవాటి, చిట్లిన జుట్టును కత్తిరించి,  గడ్డాన్ని కత్తిరించాడు. ఆ తర్వాత అతడికి స్నానం కూడా చేయిస్తాడు. ఆ తర్వాత  కొత్త బట్టలు తొడిగిపిస్తాడు. ఇప్పుడు, అతను సరదాగా కళ్లజోడు ధరిస్తాడు. వృద్ధుడు నవ్వే విధానం చాలా బాగుంది. గత వృద్ధుడికి, ఇప్పుడు ఫ్రెష్ అయిన వృద్ధుడికి ఎంతో తేడా కనిపిస్తోంది. ఈ వృద్ధుడిని చూస్తే ఎంతో ఆఫీషియల్ గా ఉన్నాడు.

అంతటితో ఆగని విదేశీయుడు ఆ వృద్ధుడిని ఆస్పత్రికి తీసుకెళ్లి కాళ్ల గాయాలకు చికిత్స అందిస్తాడు. ముసలాయనను ట్రీట్ చేస్తున్న తీరు, మిలియన్ డాలర్ల చిరునవ్వు హృదయాలను గెలుచుకుంటుంది. ఇప్పుడు ఆ విదేశీయుడు పేదవాడికి సాయం చేసేందుకు ముందుకు వచ్చి అందరి మన్ననలు పొందుతున్నాడు. ఇలాంటి వారు ఎంతో మంది మనకు కనపడుతుంటారు. అలాంటి వారికి మనం ఇచ్చేది ఒక చిరునవ్వు, ఒక మెచ్చుకోలు మాత్రమే.