EMI : జర దూరంగా రండి ఈఎంఐ ఉంది… వైరల్ అవుతున్న పోస్ట్
EMI : ప్రస్తుతం సోషల్ మీడియాలో ఓ ఫోటో తెగ వైరల్ అవుతోంది. రోడ్డు పక్కన వెళ్లే వాళ్లంతా ఆ కారను చూసి తెగ నవ్వుకుంటున్నారు. మనోడి క్రియేటివిటీకి తెగ మెచ్చుకుంటున్నారు. అలాగే వాడిని చూసి జాలి పడుతన్నారు. ఇంతవరకూ బాగానే ఉంది కానీ.. అసలేంటి సంగతో చెప్పడం లేదని ఆశ్చర్యపోతున్నారా. సాధారణంగా కార్లు, ఆటోలు, బస్సుల వెనుక రకరకాల కొటేషన్లు రాసి ఉండడం చూసే ఉంటాం. కొందరు నన్ను చూసి ఏడవకండి, నీ కోసం కుటుంబం ఉంది జాగ్రత్తగా వెళ్లుము, దయ చేసి జాగ్రత్తగా డ్రైవ్ చేయుము అంటూ రకరకాలుగా రాస్తుంటారు. కొందరైతే కాస్త ఆగి నెమ్మదిగా వెళ్లుము, 50అడుగుల దూరంలోనే బ్రేక్ వేయండి అంటు రాస్తారు.
సోషల్ మీడియాలో వైరల్ అవుతున్న ఫోటోలోని కారు వెనుక కీప్ డిస్టెన్స్ ఈఎంఐ పెండింగ్ అంటూ రాశాడు. అంటే దయచేసి కాస్త దూరంగా ఉండు కారుకు ఈఎంఐ ఉంది అని రాశాడు. మనోడు కారు ఏదైనా డ్యామేజ్ అయితే ఈఎంఐ కట్టుకునేందుకు తన వద్ద స్థోమత లేదని.. అందుకే జాగ్రత్తగా తనను చూసి నడపమని ముందస్తు సూచనగా రాసుకొచ్చాడు. ఈ ఫోటో చూసిన వాళ్లు రకరకాల కామెంట్స్ చేస్తున్నారు. కొందరు మనోడి పరిస్థితి చూసి జాలిపడుతున్నారు. మొత్తానికి ఈ ఫోటో సోషల్ మీడియాలో తెగ హల్‌చల్ చేస్తోంది.