Jio Telecom : టెలికాం రంగంలో దేశంలో మరో సంచలన విప్లవం రాబోతుంది. గతంలో మొబైల్ ఇంటర్నెట్ తదితర రంగాల్లో ప్రజలు ఎన్నో విప్లవాలను చూశారు. అదేవిధంగా ఆ తర్వాత సిమ్ కార్డుల విషయంలో డాటా విషయంలో జియో ఎంట్రీ ఇచ్చి పెను సంచలనం సృష్టించింది. తక్కువ ధరకే డేటాను అందుబాటులోకి తీసుకొచ్చి ప్రజలకు మరింత సౌకర్యవంతంగా చేసింది.
ముఖ్యంగా రోమింగ్ సేవలను ఏకం చేసి విపరీతంగా డబ్బులు కట్టయ్యే విషయాన్ని తగ్గించింది దేశవ్యాప్తంగా ఎక్కడికి వెళ్లినా కూడా ప్రస్తుతం రోమింగ్ చార్జీలు అనేవి ఎక్కువగా పడవు. దేశమంతా జియో అనే నినాదంతో డేటాను తక్కువ ధరకే తీసుకొచ్చి ప్రతి ఒక్కరి ఇళ్లలో జియో ఒక భాగం అయిపోయింది. ప్రస్తుతం జియో సిమ్ లేని ఇల్లు లేదంటే నమ్మశక్యంగా ఉండదు.
అంతలా జియో అందరి ఇళ్ళలోకి వెళ్లిపోయింది. కాగా ప్రస్తుతం ఓటీటీ రంగంలో నెట్ ఫ్లిక్స్, అమెజాన్ ప్రైమ్ దూసుకుపోతుంది. కాగా వీటన్నింటిని ఎదుర్కొన్ని జియో స్టార్ ను తీసుకువచ్చేందుకు జియో కొత్త ప్లాన్ వేసింది. దీంతో జియో స్టార్ గనక ఓటీటీ రంగంలోకి వస్తే ఓటీటీ ప్లాట్ ఫాంల ధరలు మరింత తగ్గే అవకాశం ఉందని అనుకుంటున్నారు.
ముఖ్యంగా డిస్నీ ప్లస్ హాట్ స్టార్ తో చేతులు కలిసి జియో స్టార్ తేవాలని అనుకుంటున్నట్లు ప్రచారం జరుగుతోంది. ఇదే గనక జరిగితే దేశ వ్యాప్తంగా మరో సంచలనం ఖాయం అని వ్యాపార రంగ నిపుణులు అభిప్రాయం వ్యక్తం చేస్తున్నారు.