Janhvi Kapoor : దేవర చిత్రం లో నటిస్తున్నందుకు డబుల్ రెమ్యూనరేషన్ డిమాండ్ చేస్తున్న జాన్వీ కపూర్!

Janhvi Kapoor

Janhvi Kapoor : #RRR వంటి భారీ బ్లాక్ బస్టర్ హిట్ తర్వాత యంగ్ టైగర్ ఎన్టీఆర్ కొరటాల శివ తో కలిసి ‘దేవర’ అనే చిత్రం చేస్తున్న సంగతి తెలిసిందే. గత ఏడాది మధ్యలో మొదలైన ఈ సినిమా అప్పుడే సగానికి పైగా షూటింగ్ ని పూర్తి చేసుకొని ఏప్రిల్ 4 వ తేదీన విడుదల అవ్వడానికి సిద్ధంగా ఉంది. మొదట ఈ సినిమాని కేవలం ఒక భాగం గా తీద్దాం అనుకున్నారు. కానీ కథ పెద్దది అవ్వడం తో రెండు భాగాలుగా ఈ సినిమాని తియ్యబోతున్నారు.

రీసెంట్ గా విడుదలైన ఈ సినిమా గ్లిమ్స్ వీడియో కి ఫ్యాన్స్ మరియు ఆడియన్స్ నుండి అద్భుతమైన రెస్పాన్స్ వచ్చింది. కొరటాల శివ క్వాలిటీ మేకింగ్ కి ఫ్యాన్స్ ఫిదా అయిపోయారు. సినిమా కచ్చితంగా పెద్ద బ్లాక్ బస్టర్ అవుతుంది అనే నమ్మకం ని ఇచ్చింది ఈ గ్లిమ్స్ వీడియో. ఇకపోతే ఈ సినిమాలో హీరోయిన్ గా జాన్వీ కపూర్ నటిస్తున్న సంగతి తెలిసిందే.

ఇప్పటికే ఈమెకి సంబంధించిన లుక్ ని కూడా విడుదల చేసింది మూవీ టీం. ఈ సినిమాలో ఆమె పాలు అమ్ముకునే అమ్మాయిగా నటించబోతుంది, ఆమె క్యారక్టర్ లో చాలా పెద్ద ట్విస్ట్ కూడా ఉండబోతుంది అట. ఆమెకి సంబంధించిన షూటింగ్ పార్ట్ మొత్తం తీసేశారట. కేవలం రెండు పాటలు మాత్రమే బ్యాలన్స్ ఉన్నట్టు తెలుస్తుంది. ఇకపోతే ఈ సినిమాలో ఆమె హీరోయిన్ గా నటించేందుకు ఎన్నో కండిషన్స్ మీద ఒప్పుకుంది అనే విషయం మన అందరికీ తెలిసిందే.  ముఖ్యంగా రెమ్యూనరేషన్ విషయం లో ఆమె చాలా బలమైన డిమాండ్ ని కోరుకుంది అట. ఇచ్చిన డేట్స్ కి మించి ఒక్క డేట్ కూడా అదనంగా ఇవ్వనని, ఒకవేళ ఇస్తే మాత్రం పేమెంట్ డబుల్ ఉంటుందని చెప్పిందట.

ఈ సినిమాలో నటించేందుకు ఆమె దాదాపుగా నాలుగు కోట్ల రూపాయిలు డిమాండ్ చేసినట్టు తెలుస్తుంది. ఇప్పుడు పార్ట్ 2 కూడా ఉండడం తో ఆ సినిమాకి కూడా అదనంగా మరో నాలుగు కోట్లు రూపాయిలు ఇవ్వనున్నారు మేకర్స్. శ్రీదేవి కూతురు అనే బ్రాండ్ ఇమేజి తప్ప, జాన్వీ కపూర్ కి ఇప్పటి వరకు కెరీర్ లో ఒక్క హిట్ సినిమా కూడా లేదు. బాలీవుడ్ లో ఎవ్వరూ కూడా ఈమె తో సినిమాలు చేసేందుకు సిద్ధం గా లేరు. అయినప్పటికీ కూడా టాలీవుడ్ కి వచ్చి ఇంత డిమాండ్ చూపడం ఆశ్చర్యార్ధకం అని అంటున్నారు ట్రేడ్ పండితులు.