Johnny Master
Johnny Master : ప్రముఖ టాలీవుడ్ డాన్స్ కోరియోగ్రాఫర్ షేక్ జానీ భాష అలియాస్ జానీ మాస్టర్ అత్యాచార, లైంగిక వేధింపుల ఆరోపణలు ఎదుర్కొంటున్న విషయం తెలిసిందే. దీంతో తాజాగా జాన్ మాస్టర్ పై జనసేన పార్టీ చర్యలు తీసుకుంది. అందులో భాగంగా రాయదుర్గం పోలీస్ స్టేషన్ లో జానీ మాస్టర్ పై లైంగిక వేధింపుల విషయంలో కేసు నమోదు కావడంతో షేక్ జానీ మాస్టర్ ను జనసేన పార్టీ కార్యకలాపాలకి దూరంగా ఉండాలంటూ ఆదేశాలు జారీ చేసింది. ఈ ఆదేశాలు తక్షణమే అమలు చేస్తున్నట్లు పేర్కొంది.
ఉత్తర ప్రదేశ్ కు చెందిన ఓ మహిళా కొరియోగ్రాఫర్ ను గత కొన్ని రోజులుగా జానీ మాస్టర్ లైంగికంగా వేధిస్తున్నాడని అలాగే తనను మతం మారి పెళ్లి చేసుకోవాలని ఇబ్బందులకు గురి చేస్తున్నట్లు ఓ మహిళ హైదరాబాద్ లోని రాయదుర్గం పోలీస్ స్టేషన్ లో ఫిర్యాదు చేసింది. దీంతో ఈ విషయం టాలీవుడ్ లో హాట్ టాపిక్ గా మారింది. అయితే ఇప్పటి వరకు తన విషయంలో ఇంత జరుగుతున్నప్పటికీ జానీ మాస్టర్ స్పందించక పోవడం మరిన్ని అనుమానాలకు దారి తీస్తోంది.