Minister Nara Lokesh
Minister Nara Lokesh : రెడ్ బుక్ తెరవకముందే జగన్ ఢిల్లీ వెళ్లి గగ్గోలు పెడుతున్నారని మంత్రి నారా లోకేశ్ అన్నారు. తప్పు చేసిన వారందరి పేర్లు రెడ్ బుక్ లో చేర్చి చట్ట ప్రకారం శిక్షిస్తామన్న మాటకు కట్టుబడి ఉన్నామని మంత్రి స్పష్టం చేశారు. రెడ్ బుక్ తెరవక ముందే జగన్ గగ్గోలు పెడుతున్నారని, మాజీ ప్రధాని పీవీకి భారతరత్నపై స్పందించాలని జాతీయ మీడియా కోరితే, విజయసాయిరెడ్డి పేరు చెప్పి వెళ్లిపోయారని గుర్తు చేశారు.
రెడ్ బుక్ విషయంలో మాత్రం జాతీయ మీడియాను బతిమాలి పిలిపించుకొని ప్రచారం కల్పించారన్నారు. అధికారంలో ఉన్న ఐదేళ్లలో రెండు ప్రెస్ మీట్లు పెట్టిన జగన్, 11 సీట్లు వచ్చిన నెలలోపే ఐదు ప్రెస్ మీట్లు పెట్టారని విమర్శించారు. జగన్ చెప్పే అసత్యాలకు, అసెంబ్లీకి వస్తే వాస్తవాలు తెలుస్తాయన్నారు.