Jagan : మే 14న రూ.4 వేల కోట్ల రుణం కోరిన జగన్!

Jagan

Jagan : ఆంధ్రప్రదేశ్ లో వైసీపీ ప్రభుత్వం అప్పుల ఊబిలో కూరుకుపోయిందంటూ ప్రతిపక్షాలు తీవ్ర విమర్శలు గుప్పిస్తున్నాయి. ఖజానా ఖాళీ కావడం, అప్పుల ఊబిలో ఏపీ కూరుకుపోవడంతో రాష్ట్ర ఆర్థిక పరిస్థితిపై పలు ఆందోళనలు వ్యక్తం అవుతోంది.

అయితే ఎన్ని విమర్శలు వస్తున్నా జగన్ ప్రభుత్వం మాత్రం అప్పుల ఊబిలో కూరుకుపోయి ఇప్పటికీ మొండిచేయి చూపిస్తోంది. రూ.4 వేల కోట్ల విలువైన ప్రభుత్వ సెక్యూరిటీలను వేలం వేసేందుకు వైఎస్సార్ కాంగ్రెస్ ప్రభుత్వం సిద్ధమైంది.

ఈ సెక్యూరిటీలను వేలం వేసిన తర్వాత అదనపు వడ్డీ ఛార్జీలతో వచ్చే రుణాల రూపంలో ప్రభుత్వం మరో రూ.4 వేల కోట్లు సమీకరించనుంది. తెలంగాణ, జమ్ము-కశ్మీర్, పంజాబ్ వంటి ఇతర రాష్ట్రాలు వరుసగా రూ.1000, రూ.1000, రూ.500 కోట్ల విలువైన సెక్యూరిటీలను వేలం వేస్తుండగా, ఏపీ ఒక్కటే రూ.4000 కోట్లు సేకరిస్తోంది.

రిజర్వ్ బ్యాంక్ ఆఫ్ ఇండియా కోర్ బ్యాంకింగ్ సొల్యూషన్ (ఈయూ) విధానంలో 2024 మే 14న (మంగళవారం) వేలం నిర్వహించనున్నారు. ఎన్నికల్లో వైసీపీ ఓడిపోతే ఈ వేలం వల్ల రాబోయే ప్రభుత్వానికి రూ.4 వేల కోట్ల అదనపు అప్పులు, వడ్డీలు మిగులుతాయి.

ఈ చర్యతో జగన్ ప్రభుత్వంపై ఏపీ ప్రజలు పెదవి విరుస్తున్నట్లు కనిపిస్తోంది. ఎప్పటికీ అప్పులే అంటే రాష్ట్రం పరిస్థితి ఏంటని? ప్రశ్నిస్తున్న వారు కూడా లేకపోలేదు. గతంలో కొన్ని  సర్వేలు రాష్ట్రం పూర్తిగా దీవాలా స్టేజ్ లోకి వెళ్లిపోయిందని చెప్పాయి. ఆ సమయంలో ఎన్నికలు వస్తుండడంతో బాబు ప్రభుత్వం ఆరోపణలు చేస్తుందని చెప్పినా పోలింగ్ పూర్తయిన రెండో రోజే ఇలా అప్పు, అది కూడా సెక్యురిటీలను వేలం వేసి మరీ తీసుకుంటుందంటే ప్రజలు సైతం ఆందోళన చెందాల్సిన పరిస్థితి నెలకొంది.