Victory Venkatesh, Alluda Majaka Show
Victory Venkatesh : ఎంటర్టైన్మెంట్ షోస్ కి కేర్ ఆఫ్ అడ్రస్ గా నిల్చిన ఛానల్ ఏమిటి అని అడిగితే మన అందరికీ గుర్తుకు వచ్చే ఈటీవీ ఛానల్. ఈ ఛానల్ లో ‘జబర్దస్త్’ షో ఎంత పెద్ద హిట్ అయ్యిందో ప్రత్యేకించి చెప్పనక్కర్లేదు. ఈ షో ద్వారా ఇండస్ట్రీ కి ఎంతో మంది కమెడియన్స్ పరిచయమయ్యారు. ఈ షో సక్సెస్ అవ్వడం, మరిన్ని ఎంటర్టైన్మెంట్ షోస్ ఎన్నో ప్లాన్ చేసారు. ముఖ్యంగా పండగ సమయం లో ఎదో ఒక స్పెషల్ ఎంటర్టైన్మెంట్ షో ని గ్రాండ్ గా ప్లాన్ చెయ్యడం ఈటీవీ లోని మల్లెమాల ఎంటర్టైన్మెంట్స్ కి అలవాటు.
అలా ఈ సంక్రాంతి పండుగకి ‘అల్లుడా మజాకా’ అనే స్పెషల్ షో ని ప్లాన్ చేసారు. ఈ షోలో జబర్దస్త్ కమెడియన్స్ మరియు ఇతర బుల్లితెర నటులతో పాటుగా విక్టరీ వెంకటేష్, మీనా, కుష్బూ వంటి వారు ముఖ్య అతిథులుగా విచ్చేసారు. అలాగే చాలా కాలం తర్వాత సుడిగాలి సుధీర్ ఈ షో కి హోస్ట్ చేస్తూ బుల్లితెర ఆడియన్స్ ని పలకరించబోతున్నాడు.
ఈ షో కి సంబంధించిన ప్రోమో ఇప్పుడు యూట్యూబ్ లో ట్రెండ్ అవుతుంది. ఈ ప్రోమో లో జబర్దస్త్ కమెడియన్స్ వేసిన స్కిట్స్ కడుపుబ్బా నవ్వించేలా అనిపించాయి. అయితే ఈ ప్రోమో లో విక్టరీ వెంకటేష్ జబర్దస్త్ కమెడియన్ సునామి సుధాకర్ పై చెయ్యి చేసుకోవడం హైలైట్ గా నిల్చింది. వివరం లోకి వెళ్తే సునామి సుధాకర్ వెంకటేష్ హీరో గా నటించిన ‘ఘర్షణ’ మూవీ కి స్పూఫ్ గా ఒక స్కిట్ వేస్తాడు. ఈ స్కిట్ లో విక్టరీ వెంకటేష్ ఏసీపీ రామచంద్ర గెటప్ వెయ్యగా, సునామి సుధాకర్ లోకల్ డాన్ గెటప్ వేస్తాడు. అలా స్కిట్ నడుస్తుండగా సునామి సుధాకర్ ఆర్య 2 చిత్రంలోని ‘రింగ రింగ’ పాట పాడుతాడు. అప్పుడు వెంకటేష్ ఏంటిరా ఇది అని సునామి సుధాకర్ ని అడగగా, అతను పాట అని చాలా నిర్లక్ష్యంగా సమాధానం చెప్తాడు.
నాకే పంచ్ వేస్తావా అని వెంకటేష్ సునామి సుధాకర్ చెంప చెళ్లుమనిపిస్తాడు. ఇదంతా చూసేందుకు చాలా ఫన్నీ గా అనిపించింది. ఇకపోతే వెంకటేష్ హీరో గా నటించిన ‘సైంధవ్’ చిత్రం రేపు ప్రపంచవ్యాప్తంగా గ్రాండ్ గా విడుదల కాబోతుంది. ఈ సినిమాకి సంబంధించిన ప్రొమోషన్స్ కోసమే వెంకటేష్ ఈ ఈవెంట్ కి విచ్చేశాడు. జనవరి 13 వ తారీఖున ఈ ఎపిసోడ్ టెలికాస్ట్ కాబోతుంది.
