KTR BRS:కాంగ్రెస్ విజ‌యంపై కేటీఆర్ ట్వీట్..ప‌రాజ‌యంపై నిర్వేదం
KTR BRS:తెలంగాణ ఓట్ల లెక్కింపుకు కొన్ని గంట‌ల ముందు మూడ‌వ సారి విక్ట‌రీ సాధించ‌బోతున్నామ‌ని ట్వీట్ చేసి కేటీఆర్ ఆస‌క్తి రేకెత్తించిన విష‌యం తెలిసిందే. గ‌న్ పేలుస్తున్న ఫొటోని షేర్ చేసి హ్‌యాట్రిక్ లోడింగ్ 3.0. గెట్ రెడీ టు సెల‌బ్రేట్‌` అంటూ ట్వీట్ చేశారు. అయితే ఈ ట్వీట్‌పై కాంగ్రెస్ వ‌ర్గాల నుంచి సెటైర్లు వినిపించాయి. ఓడి పోతూ కూడా ఇలాంటి జిమ్మిక్కులేంట‌ని కాంగ్రెస్ శ్రేణులు కేటీఆర్‌పై మండి ప‌డ్డాయి.
ఇదిలా ఉంటే తెలంగాణ ఎన్నిక‌ల ఫ‌లితాలు కాంగ్రెస్ పార్టీకి అనుకూలంగా వ‌స్తున్న నేప‌థ్యంలో బీఆర్ ఎస్ నేత కేటీఆర్ సోష‌ల్ మీడియా వేదిక‌గా చేసిన ట్వీట్ వైర‌ల్ అవుతోంది. తెలంగాణ వ్యాప్తంగా ప్ర‌జ‌లు హ‌స్తానికి ప‌ట్టం క‌డుతూ తీర్పుని ఇస్తుండ‌టంతో కేటీఆర్‌తో పాటు గులాబీ శ్రేణులు షాక్‌కు గుర‌వుతున్నాయి. ఈ నేప‌థ్యంలో ఫ‌లితాల‌ని ఊహించ‌లేక‌పోయామ‌ని కేటీఆర్ సోష‌ల్ మీడియా వేదిక‌గా స్పందించారు.
`బీఆర్ ఎస్ కు రెండు సార్లు అధికారం ఇచ్చినందుకు తెలంగాణ ప్ర‌జ‌ల‌కు రుణ‌ప‌డి ఉంటా. నేటి ఫ‌లితం గురించి బాధ‌ప‌డ‌ట్లేదు. కానీ మేము ఆశించిన స్థాయిలో లేక‌పోవ‌డంతో నిరాశ చెందాను. ఈ ఫ‌లితాల‌ని మేము ఓ అభ్యాసంగా తీసుకుని తిరిగి పుంజుకుంటాం. ఎన్నిక‌ల్లో విజ‌యం సాధించిన కాంగ్రెస్ పార్టీకి అభినంద‌న‌లు. మీకు శుభం జ‌ర‌గాల‌ని కోరుకుంటున్నా` అని ట్వీట్ చేశారు. ప్ర‌స్తుతం ఈ ట్వీట్ సోష‌ల్ మీడియాలో వైర‌ల్‌గా మారి ట్రెండ్‌ అవుతోంది.
Grateful to the people of Telangana for giving @BRSparty two consecutive terms of Government ?
Not saddened over the result today, but surely disappointed as it was not in expected lines for us. But we will take this in our stride as a learning and will bounce back…
— KTR (@KTRBRS) December 3, 2023