Israeli attack : గాజాపై ఇజ్రాయెల్ సైన్యం దాడులు కొనసాగుతున్నాయి. శనివారం (నవంబరు 2) ఉత్తర గాజాలోని నివాస భవనాలపై ఇజ్రాయెల్ జరిపిన వైమానిక దాడుల్లో 50 మంది చిన్నారులతో సహా 84 మంది పాలస్తీనియన్లు మృతి చెందినట్లు గాజా వర్గాలు వెల్లడించాయి.
అక్టోబరు 7, 2023న హమాస్ దాడుల్లో 1139 మంది మరణించగా ఇజ్రాయెల్ గాజాపై అప్పటి నుంచి దాడులు చేస్తూనే ఉంది. గాజాలో ఇజ్రాయెల్ జరిపిన దాడుల్లో ఇప్పటి వరకు 43,259 మంది పాలస్తీనియన్లు చనిపోయారు. లక్ష మందికి పైగా గాయపడ్డారు. 200 మందిని బందీగా తీసుకెళ్లారు. మరోవైపు లెబనాన్ పై ఇజ్రాయెల్ జరిపిన దాడుల్లో దాదాపు మూడు వేల మంది మృతి చెందారు. 13,150 మంది గాయపడ్డారు. గడిచిన 24 గంటల్లో లెబనాన్ లో 30 మంది మరణించినట్లు లెబనీస్ ఆరోగ్య శాఖ తెలిపింది.