ప్రభాస్ నెక్ట్స్ మూవీపై కల్కి ఎఫెక్ట్ ఉండబోతుందా..?

Prabhas

Prabhas : ‘కల్కి 2898 ఏడీ’ సినిమా అతి తక్కువ సమయంలోనే బాక్సాఫీస్ వద్ద దాదాపు రూ.1000 కోట్లు వసూలు చేసింది. బాహుబలి తర్వాత ప్రభాస్ కు ఇదే తొలి నిజమైన విజయమని ట్రేడ్ వర్గాలతో పాటు అభిమానులు కూడా అనుకుంటున్నారు.

సాహో, రాధే శ్యామ్, ఆది పురుష్ భారీ ఫ్లాప్ కాగా కేవలం ప్రభాస్ కు ఉన్న ఇమేజ్ తోనే లాస్ లో పడకుండా నిర్మాతలను కాపాడగలిగాయి. ఇటీవల రిలీజైన ‘సలార్’ వరల్డ్ వైడ్ గా 600 కోట్లు రాబట్టింది. కానీ దాని అధిక బడ్జెట్ దాని నిర్మాతలకు ఆశించిన మేర డబ్బు సంపాదించి పెట్టలేకపోయింది.

‘కల్కి 2898 ఏడీ’ తెలంగాణలో, ఆంధ్రప్రదేశ్ లో యావరేజ్ గా, తమిళనాడు, కేరళలో భారీ విజయం సాధించి, హిందీ బెల్ట్, యూఎస్ లలో సూపర్ హిట్ గా నిలిచి ఓవరాల్ హిట్ టాక్ తెచ్చుకుంది.

ప్రభాస్ హీరోగా మారుతి దర్శకత్వంలో తర్వాత రాబోయే చిత్రం ‘రాజా సాబ్’. భారీ బడ్జెట్ సీరియస్ సినిమాల మధ్య ప్రభాస్ కు రిలీఫ్ గా భావించిన మారుతి ఈ సారి కలర్ ఫుల్ సాంగ్స్, యాక్షన్ తో సరదాగా, లైట్ హార్ట్ ఎంటర్ టైనర్ ను రూపొందిస్తున్నాడు.

అయితే కల్కి సక్సెస్ తర్వాత ఇప్పుడు మారుతిపై ఒత్తిడి ఎక్కువైంది. కల్కి తర్వాత మళ్లీ బాక్సాఫీస్ వద్ద తన హవాను కొనసాగించిన ప్రభాస్ మరో ఫెయిల్యూర్ సినిమాను తీయడానికి ఇష్టపడడని.. ప్రభాస్ విజయ పరంపర కొనసాగించాలంటే రాజా సాబ్ పెద్ద హిట్ కావాలని అనుకుంటున్నాడు.

మారుతి తన బెస్ట్ వర్క్ తో అన్ని వర్గాల ప్రేక్షకులను మెప్పించేలా ఎంటర్ టైనింగ్ గా సినిమా తీయాలి. ప్రస్తుతం బాహుబలి నుంచి బాలీవుడ్ ప్రేక్షకులు కూడా ప్రభాస్ ను ఆసక్తిగా చూస్తున్నారు. అతను తప్పు చేయకపోడా? అని ఎదురు చూస్తున్నారు. మారుతి ఈసారి రెచ్చిపోతే ప్రభాస్ ను దారుణంగా ట్రోల్ చేసేందుకు రెడీ అవుతున్నారు.