Power Star Pawan Kalyan
Power Star Pawan Kalyan : పవర్ స్టార్ పవన్ కల్యాణ్ ప్రస్తుతం అటు రాజకీయాల్లో, ఇటు సినిమాల్లో బిజీగా మారారు. ఓ వైపు డిప్యూటీ సీఎంగా తన బాధ్యతలు నెరవేరుస్తూనే మరో వైపు ఇప్పటికే కమిట్ అయిన, సెట్స్ మీద ఉన్న సినిమాలను కంప్లీట్ చేసే పనిలో పడ్డాడు పవర్ స్టార్. జెట్ స్పీడ్ తో సినిమాలు పూర్తి చేయాలని చూస్తున్నాడు. ఇందుకు సంబంధించి పకడ్బందీ ప్రణాళికలు రూపొందించుకుంటున్నారు. పవన్ కల్యాన్ సినిమా కెరీర్ మొదలైనప్పటి నుంచి ఒకేసారి దాదాపు నాలుగు సినిమాలు సెట్స్ మీద ఉండడం ఇదే మొదటి సారి.
గతంలో ఎప్పుడూ ఒకేసారి కనీసం రెండు సినిమాలు చేసిన దాఖలాలు లేవు. ఒక సినిమా రిలీజయ్యాక కాస్త గ్యాప్ తీసుకొని మరో సినిమాను సెట్స్ మీదకు తీసుకెళ్లేవాడు. కానీ ఈ రెండేళ్లలో మాత్రం పవన్ కెరీర్ లో ఊహించని పరిణామాలు చోటు చేసుకున్నాయి. ఒకేసారి వరుస సినిమాలు కమిట్ అయ్యాడు. అటు సినిమాలు, పొలిటికల్ క్యాంపెయిన్ తో మరింత బిజీగా మారాడు. ఇప్పుడు ఎన్నికలు ముగిశాయి. మంత్రిగా కొత్త బాధ్యతలు మోస్తున్నాడు. ఈ క్రమంలో తనను స్టార్ ను చేసిన సినిమాలను కూడా గాడిన పెట్టే పనిలో పడ్డాడు.
ఏడాదికొకటి చొప్పున ‘వకీల్ సాబ్’, ‘భీమ్లా నాయక్’, ‘బ్రో’ చిత్రాలతో ప్రేక్షకులను అలరించారు. ప్రస్తుతం ఓజీ, ఉస్తాద్ భగత్ సింగ్, హరిహర వీరమల్లు సినిమాలు సెట్స్ మీద ఉన్నాయి. ఎన్నికలకు ముందు మరో రెండు కథలు ఫైనల్ చేసినా, ప్రస్తుతం మంత్రిగా ఉన్న పవన్ కల్యాన్ కొత్త సినిమాలు చేస్తాడా లేదా అనే విషయం ఇంకా కొలిక్కి రాలేదు.
ఇక మూడేళ్ల క్రితం మొదలైన భారీ బడ్జెట్ చిత్రం ‘హరిహర వీరమల్లు’ ఒకటి. ఈ సినిమా ఆగుతూ, సాగుతూ నడుస్తున్నది. ఒక దశలో ఈ సినిమా బయటికి వచ్చేది డౌటేనంటూ టాక్ స్ర్పెడ్ అయ్యింది. ఎట్టకేలకు ఈ సినిమా మూడు నెలల నుంచి క్రితం అప్డేట్స్ వస్తుండడంతో ఫ్యాన్స్ ఖుషీ అవుతున్నారు. పీరియాడికల్ డ్రామాగా తెరకెక్కుతున్న ఈ సినిమాపై పవన్ అభిమానుల్లో ఎన్నో అంచనాలు ఉన్నాయి. హరిహర వీరమల్లు షూటింగ్ పై నిర్మాత ఏఎమ్ రత్నం స్పష్టతనిచ్చారు. పవన్ కల్యాణ్ డేట్స్ అడ్జెస్ట్ మెంట్ ను బట్టి సినిమాను పూర్తి చేస్తామని ఓ చానల్ కు ఇచ్చిన ఇంటర్వ్యూలో చెప్పారు.
ఈ సినిమా గురించి నిర్మాత రత్నం ఓ ఆసక్తికరమైన విషయాన్ని వెల్లడించారు. కొత్త తరహాలో యాక్షన్ సీక్వెన్స్ ప్లాన్ చేస్తున్నట్లు తెలిపారు.
‘పులితో యాక్షన్ సీక్వెన్స్ ఉంటుందని చెప్పారు. అయితే గతంలో ఏ హీరో చేయని విధంగా ఈ యాక్షన్ సీక్వెన్స్ ఉంటుందనన్నారు. ఓ విదేశీ కంపెనీకి దీనిని అప్పగించినట్లు చెప్పారు. ప్రేక్షకులకు అప్పటి కాలం అనుభూతి చెందేలా సిద్ధం చేస్తున్నట్లు వెల్లడించారు. మొదటి అర్ధభాగానికి సంబంధిచిన గ్రాఫిక్స్ దాదాపుగా పూర్తయిందని చెప్పారు.