Trisha Krishnan : స్టార్ హీరో దగ్గర త్రిష రూ.5కోట్లు అందుకే తీసుకుందా?

Trisha Krishnan

Trisha Krishnan : త్రిష నలభై ఏండ్లు పైబడినా ఇప్పటికీ పంచదార బొమ్మలాగే ఉంది. నిండు, పరిపక్వ అందాలతో కుర్రకారు మదిని దోచేస్తునే ఉంది. సౌత్ ఇండియా స్టార్ గా తన క్రేజ్ ను మరింత పెంచుకుంటూ ముందుకెళ్తోంది. తెలుగు, తమిళ భాషల్లో ఎంతో క్రేజ్ ఉన్న ఈ భామ అగ్రహీరోలు, కుర్ర స్టార్ హీరోలందరితోనూ నటించింది. పొన్నాయిన్ సెల్వన్ ద్వారా హిట్ ట్రాక్ లో పడ్డ త్రిష చేతిలో ఇప్పుడు పలు పెద్ద సినిమాలు ఉన్నాయి.

మెగాస్టార్ చిరంజీవి హీరోగా వస్తున్న ‘విశ్వంభర’లో త్రిష హీరోయిన్ గా నటిస్తోంది. దాదాపు 18 సంవత్సరాల తర్వాత వీరి కాంబినేషన్ లో ఈ సినిమా వస్తోంది. ప్రస్తుతం ఈ మూవీ షూటింగ్ దశలో ఉంది. ఇలా కెరీర్ లో బిజీగా ఉన్న త్రిష గురించి ఓ వార్త సోషల్ మీడియాలో తెగ వైరల్ అవుతోంది. త్రిష ఫస్ట్ ఇన్నింగ్స్ లో స్టార్ హీరోయిన్ గా కొనసాగుతున్న సమయంలోనే ఒక చిన్న పని చేసి ఏకంగా స్టార్ హీరో నుంచి రూ.5 కోట్లు తీసుకుందట.

అయితే ఈమె హీరోయిన్ గా నటించే సమయంలో ఒక సినిమా ఆఫర్ వచ్చిందట. కానీ అందులో నటించడం హీరోకు ఇష్టం లేదట. త్రిష తప్పుకుంటే అందులో తనకు ఇష్టమైన నటి నటిస్తుందని.. రూ.5 కోట్లు ఆఫర్ ఇచ్చారట. వాటిని తీసుకుని త్రిష సైడ్ అయ్యిందట. కానీ ఈ మనీని త్రిషనే డిమాండ్ చేసిందని కొందరు అంటుంటే..హీరో ఆఫర్ చేశారని మరి కొందరు అంటున్నారు. అయితే ఇందులో ఏది నిజమో, ఏది అబద్ధమో వారు స్పందిస్తే గానీ తెలియదు.