Raja Saab : ప్రభాస్ ‘రాజా సాబ్’ చిత్రంలో ఆ క్రేజీ స్టార్ హీరో కూడా ఉన్నాడా!

Raja Saab

Raja Saab : యంగ్ రెబెల్ స్టార్ ప్రభాస్ హీరో గా నటిస్తున్న సినిమాలలో అభిమానులు అత్యంత ఆసక్తిగా ఎదురు చూస్తున్న చిత్రాలలో ఒకటి ‘రాజా సాబ్’. ప్రముఖ యంగ్ డైరెక్టర్ మారుతీ దర్శకత్వం లో తెరకెక్కుతున్న ఈ సినిమాలో ప్రభాస్ చాలా కాలం తర్వాత ఊర మాస్ గెటప్ లో కనిపించాడు. బాహుబలి సిరీస్ తప్ప ప్రభాస్ తెలుగు నేటివిటీ కి తగ్గ సినిమాలు తియ్యడం లేదని ఒక కంప్లైంట్ ఉండేది.

ఇప్పుడు ఆ కంప్లైంట్ ఈ ‘రాజా సాబ్’ చిత్రం తో దూరం అయిపోయిందనే చెప్పాలి. ఈ చిత్రం లో ప్రభాస్ ఊర మాస్ లుక్స్ లో కనిపించడం మాత్రమే కాకుండా , మూడు డిఫరెంట్ షేడ్స్ లో కనిపిస్తాడట. హారర్ థ్రిల్లర్ జానర్ లో తెరకెక్కుతున్న ఈ సినిమాకి సంబంధించిన షూటింగ్ ఇప్పటికే 30 నుండి 40 శాతం వరకు పూర్తి అయ్యింది. ఈ ఏడాది లోనే డిసెంబర్ 20 వ తారీఖున ఈ చిత్రాన్ని విడుదల చెయ్యడానికి సన్నాహాలు చేస్తున్నాడు డైరెక్టర్ మారుతీ.

ఇదే డిసెంబర్ నెలలో విడుదలైన ‘సలార్’ చిత్రం బాక్స్ ఆఫీస్ పరంగా ఎంత పెద్ద సెన్సేషనల్ బ్లాక్ బస్టర్ అయ్యిందో మనమంతా చూసాము. మళ్ళీ అదే డేట్ లో వస్తే అదే ఫలితం వస్తుందనే సెంటిమెంట్ లో ఉన్నాడట ప్రభాస్. ఈ సినిమాలో మొత్తం ముగ్గురు హీరోయిన్లు ఉంటారట. అందులో మాళవిక మోహన్, నిధి అగర్వాల్ గురించి మన అందరికి తెలుసు, మిగిలిన ఆ అమ్మాయి ఎవరో తెలియాల్సి ఉంది. ఇక పోతే ఈ సినిమాకి మెయిన్ హైలైట్ గా ఫ్లాష్ బ్యాక్ సన్నివేశం నిలుస్తుంది అట. ఈ ఫ్లాష్ బ్యాక్ లో ప్రభాస్ తండ్రి క్యారక్టర్ అద్భుతంగా ఉంటుందని, ఆ పాత్ర ని మన టాలీవుడ్ లో సీనియర్ స్టార్ హీరోలలో ఎవరో ఒక్కరు చేయబోతున్నారట.

అందుతున్న విశ్వసనీయ వర్గాల సమాచారం ప్రకారం రీసెంట్ గానే డైరెక్టర్ మారుతీ విక్టరీ వెంకటేష్ ని ఈ పాత్ర కోసం కలిశాడట. స్టోరీ కూడా వెంకటేష్ కి చాలా బాగా నచ్చిందని, ఆయన వెంటనే నటించడానికి ఓకే చెప్పినట్టు తెలుస్తుంది. అలా అతి త్వరలోనే ప్రభాస్ ప్రభాస్ – వెంకటేష్ కాంబినేషన్ ని మనం వెండితెర మీద చూడబోతున్నాం అన్నమాట. త్వరలోనే దీనికి సంబంధించి అధికారిక ప్రకటన ఒకటి చెయ్యబోతున్నారు మేకర్స్.