Rajasaab : ‘రాజాసాబ్’ వెంకటేష్ ప్లాఫ్ సినిమా కాపీనా? మారుతి ఇదేం గోల !

Rajasaab : పాన్ ఇండియా రెబల్ స్టార్ ప్రభాస్ భారీ హిట్లతో ఇండియన్ ఫిలిం ఇండస్ట్రీలోనే నెంబర్ వన్ హీరోగా చెలామణి అతున్నాడు. ఇక ప్రభాస్ చేతిలో ఉన్న సినిమాలన్నీ భారీ ప్రాజెక్టులే. రాబోయే సినిమాలు కూడా ఇప్పుడున్న వాటికన్న పెద్ద సినిమాలే. సలార్, కల్కి హిట్లు ప్రభాస్ రేంజ్ ను ఎక్కడికో తీసుకెళ్లాయి.  ఆ సినిమాల సీక్వెల్ షూటింగ్స్ కూడా పట్టాలెక్కబోతున్నాయి. కేవలం ఆరు నెలల గ్యాప్ లోనే ప్రభాస్ రెండు భారీ హిట్లు కొట్టి బాక్సాఫీస్ తన జెండా ఎగురవేశాడు. ఇక సందీప్ రెడ్డి వంగా స్పిరిట్,  హను రాఘవపూడి ఫౌజీ సినిమాల పై ఇప్పటి నుంచే ఓ రేంజ్ అంచనాలు ఉన్నాయి.

వరుస భారీ ప్రాజెక్టుల మధ్యలో ఓ హర్రర్ కామెడీని తీసుకు వస్తున్నాడు ప్రభాస్.  అదే రాజాసాబ్. ఈ సినిమాకు టాలీవుడ్ టాలెంటెడ్ డైరెక్టర్ మారుతి దర్శకుడు. ఇప్పటి వరకు ప్రభాస్ హర్రర్ జోనర్ లో సినిమా చేయలేదు. తొలిసారి ఈ జోనర్ లో సినిమా చేస్తుండడంతో మంచి హైప్ వచ్చింది. తొలి గ్లింప్స్ లో ప్రభాస్ క్యూట్ లుక్స్ కి ఫ్యాన్స్ ఫిదా అయ్యారు. మిర్చి తర్వాత మళ్లీ అంత గ్లామర్ గా ఇందులోనే కనిపిస్తున్నాడంటూ సంబురపడిపోయారు. కానీ ఫ్యాన్స్ సంతోషం నుంచి బయటికి రాకముందే ప్రభాస్ బర్త్ డే సందర్భంగా విడుదలైన మోషన్ పోస్టర్ పై ట్రోల్స్ వస్తున్నాయి.

ఆదిపురుష్ సినిమా సమయంలోనూ ప్రభాస్ లుక్స్ పై విపరీతంగా ట్రోల్స్ వచ్చాయి. అయితే దాని లెక్క దానికుంది. ఇప్పటి వరకు రాముడిని మీసాలతో చూడలేదని, తొలిసారి ప్రభాస్ రాముడి పాత్రలో మీసాలతో కనిపించే సరికి హిందూ సంఘాలతో పాటు సాధారణ ప్రేక్షకులు అసహనం వ్యక్తం చేశారు.  అయితే ఇప్పుడు రాజా సాబ్ మూవీపై మాత్రం మరో రకంగా ట్రోల్స్ సాగుతున్నాయి.  మోషన్ పోస్టర్ ప్రభాస్ గెటప్ చూసి  టాలీవుడ్ స్టార్ హీరో  విక్టరీ వెంకటేష్ ప్లాఫ్ సినిమాతో పోలుస్తున్నారు. సూపర్ స్టార్ రజినీకాంత్ చంద్రముఖితో బ్లాక్ బస్టర్ గా కొట్టిన విషయం తెలిసిందే. అయితే దాని సీక్వెల్ లో  మాత్రం రజినీ చేయలేదు. విక్టరీ వెంకటేష్ హీరోగా నాగవల్లిని తెరకెక్కించారు. ఈ మూవీ వెంకీ కెరీర్ లోనే భారీ డిజాస్టర్ గా మిగిలిపోయింది.   ఇందులో వెంకటేష్ గెటప్, రాజాసాబ్ మోషన్ పోస్టర్ లో ప్రభాస్ గెటప్ ఇంచుమించు ఒకేలా ఉందటూ సోషల్ మీడియాలో ట్రోల్ చేస్తున్నారు. మరి దీనిపై మేకర్స్ ఎలా స్పందిస్తారో చూడాల్సిందే.