prabhas kalki 2898 AD release date
Prabhas Kalki: సలార్ సక్సెస్ తో సంతోషంలో ఉన్న ప్రభాస్ ‘కల్కి 2898 ఏడీ’ గురించి ఇటీవల మాట్లాడారు. దీంతో ఆయన తర్వాతి రిలీజయ్యే సినిమా ఇదే కాబట్టి ఆయన ఫ్యాన్స్ తో పాటు దేశ వ్యాప్తంగా సినీ అభిమానులు ఈ సినిమా అప్ డేట్ పై క్యూరియాసిటీతో ఉన్నారు. సలార్ టీం పృథ్వీరాజ్ సుకుమారన్, ప్రశాంత్ నీల్, నిర్మాతలు విజయ్ కిరంగదూర్, రవి, నవీన్ సహా పలువురు సలార్ గ్రాండ్ సక్సెస్ కు సెలబ్రేట్ చేసుకునేందుకు ప్రభాస్ పార్టీ ఇచ్చారు. ఈ పార్టీకి వచ్చిన టాలీవుడ్ ప్రముఖులు ప్రభాస్ ప్రశంసించారు.
సలార్ థియేట్రికల్ రన్ ముగింపు దశకు చేరకుంది. కొన్ని రోజల్లో సలార్ థియేటర్ లో నుంచి ఓటీటీలోకి వస్తుంది. ఈ నేపథ్యంలో ప్రభాస్ తన నెక్ట్స్ ప్రాజెక్ట్ ‘కల్కి 2898 ఏడీ’పై దృష్టి పెట్టాడు. ఈ మూవీ ముగిసిన వెంటనే డైరెక్టర్ మారుతితో కలిసి మరో మూవీ చేస్తున్నాడు. ఈ రెండు సమానంగా షూటింగ్ చేసుకుంటున్నాయి.
‘కల్కి’ షూటింగ్ దాదాపు తుది దశకు చేరుకుంది. మారుతి సినిమా షూటింగ్ ఇంకా 50 శాతం మిగిలి ఉంది. అన్నింటికంటే ముందు నాగ్ అశ్విన్ దర్శకత్వంలో తెరకెక్కుతున్న సైన్స్ ఫిక్షన్ థ్రిల్లర్ ‘కల్కి 2898 ఏడీ’ రిలీజ్ డేట్ ను ప్రభాస్ నిర్ణయించాల్సి ఉంది. నిర్మాత అశ్వనీదత్ ఈ చిత్రాన్ని మే 2024 లో విడుదల చేయాలనే ఉద్దేశ్యాన్ని వ్యక్తం చేసినప్పటికీ, నిర్దిష్ట తేదీని, మే 9 లేదా ఇదే సంవత్సరంలో మరొక తేదీని ప్రభాస్ నిర్ణయిస్తారు.
కమల్ హాసన్ హీరోగా శంకర్ దర్శకత్వంలో తెరకెక్కుతున్న ‘భారతీయుడు 2’ విడుదల తేదీ కూడా కల్కి, మారుతి సినిమా మధ్యలో తగిన గ్యాప్ ఉండేలా చూసుకోవాల్సిన అంశం కూడా ఉంది.