Mahesh Babu : రాజమౌళి సినిమాలో మహేశ్ బాబు ‘డ్యూయల్’ ట్రీట్ నిజ‌మేనా?!
Mahesh Babu
Mahesh Babu : ఆర్ఆర్ఆర్ ఆస్కార్ సమయంలో రాజమౌళి అనౌన్స్ తర్వాత నుంచి మహేశ్ బాబు-రాజమౌళి కాంబోపై ప్రతీ ఒక్కరూ ఈగర్ గా వెయిట్ చేస్తున్నారు. ఈ మూవీ ఇండియా సినిమా రికార్డులను షేర్ చేస్తుందని బలంగా నమ్ముతున్నారు. దీనికి సంబంధించి ఇప్పటి వరకు ఎలాంటి అప్ డేట్ బ‌య‌ట‌కు రాలేదు. కాక‌పోతే అనధికారికంగా చాలా స‌మాచారం టాలీవుడ్ సర్కిల్ లో చక్కర్లు కొడుతోంది.
ఇదో అడ్వంచ‌ర‌స్ యాక్షన్ థ్రిల్లర్ అని, అట‌వీ నేప‌థ్యంలో ఎక్కువ శాతం షూటింగ్ జరుగుతుందని ర‌క‌ర‌కాల క‌థ‌నాలు వినిపిస్తున్నాయి. ప్రతి నాయకుడి విషయంలో రాజమౌళి ఓ క్లారిటీకి వ‌చ్చార‌ని, ఆ పాత్రకు విక్రమ్ ను తీసుకున్నట్లు తెలుస్తోంది.
ఇప్పుడు మరో వార్త హ‌ల్ చ‌ల్ చేస్తోంది. ఈ సినిమాలో మహేశ్ బాబు డ్యూయల్ రోల్ చేయ‌బోతున్నాడ‌ని, ఓ పాత్ర నెగెటివ్ షేడ్ లో ఉంటే.. మరో పాత్ర పాజిటివ్ రోల్ లో ఉండబోతోందట. మహేశ్ బాబు ఇప్పటి వరకు డ్యూయల్ రోల్ లో నటించలేదు. కాబ‌ట్టి మహేశ్ వ‌ర‌కూ ఇది కొత్తదే. నెగెటివ్ షేడ్ ఉన్న పాత్ర చేస్తే.. తప్పకుండా అడ్వాంటేజే అవుతోంది. కాక‌పోతే ఈ వార్తల్లో నిజం ఎంత ఉందో తెలియజేయాలి. మ‌హేశ్‌ను రాజమౌళి కొత్తగా చూపించే ప్రయత్నం చేయబోతున్నది నిజం. మహేశ్ గెట‌ప్ కూడా కొత్తగా ఉంటుంది. అందుకు విదేశాల నుంచి మేకప్ ఆర్టిస్టులను రప్పిస్తున్నారట.
ఇప్పటికే మహేశ్ బాబు మేకప్ విషయంలో కొన్ని స్కెచ్‌లు సిద్ధం చేశారు. వాటిలో ఓ గెట‌ప్ ఫైనల్ చేసి, దానికి తగ్గట్లుగా మహేశ్ ను మేకోవ‌ర్ చేయ‌బోతున్నారు. ఆగ‌స్ట్ 9వ తేదీ మహేశ్ పుట్టిన రోజు. ఈ సంద‌ర్భంగా ఈ చిత్రానికి సంబంధించిన కాన్సెప్ట్ వీడియో విడుద‌ల‌య్యే అవ‌కాశం ఉంద‌ని టాక్ వినిపిస్తోంది. మహేశ్ బాబు ద్విపాత్రాభిన‌యం చేస్తున్నాడా..? లేదా..? అనే విష‌యం ఆ కాన్సెప్ట్ వీడియోతోనే అర్థమైయ్యే ఛాన్స్ ఉంది. కాబ‌ట్టి.. ఈ డ‌బుల్ ట్రీట్ నిజ‌మో కాదో తెలియాలంటే మరికొంత కాలం వేచి చూడాల్సిందే.