Jai Hanuman
Jai Hanuman : టాలీవుడ్ యంగ్ టాలెంటెడ్ డైరెక్టర్ ప్రశాంత్ వర్మ చేసిన ‘హను-మాన్’ సంక్రాంతికి విడుదలై భారీ విజయం సాధించింది. ఈ సినిమా చివరలో సీక్వెల్ ఉంటుందని కూడా ఆయన ప్రకటించారు. అయితే, హను-మాన్ బ్లాక్ బస్టర్ హిట్ కావడంతో దీనికి సీక్వెల్ అయిన ‘జై హనుమాన్’పై టాలీవుడ్ సర్కిల్ లో సర్వత్రా చర్చ మొదలైంది.
జనవరి 22వ తేదీ అయోధ్యలో రామ్ లల్లా ప్రాణ ప్రతిష్ఠ సందర్భంగా.. ఆ శుభ గడియలను ‘జై హనుమాన్’ ప్రీ ప్రొడక్షన్ వర్క్ ను ప్రారంభించారు. ఈ అనౌన్స్ మెంట్ తో హనుమాన్ ఫ్యాన్స్ ఖుషీ అవుతున్నారు. ‘జై హనుమాన్’ కోసం క్యూరియాసిటీతో ఎదురు చూస్తున్నట్లు చెబుతున్నారు.
‘జై హనుమాన్’ ఆంజనేయుడి పాత్ర చుట్టూనే కథ తిరుగుతుందని ప్రశాంత్ వర్మ ఒక ఇంటర్వ్యూలో తెలిపారు. ఈ పాత్ర కోసం స్టార్ హీరోను తీసుకుంటున్నట్లు చెప్పారు. అయితే హను-మాన్ లో హనుమంతుడి ముఖాన్ని రివీల్ చేయలేదని పేర్కొన్నారు. అయితే ఇంత గొప్ప పాత్ర పోషించే ఆ స్టార్ హీరో ఎవరనేది టాలీవుడ్ వర్గాల్లో చర్చ జరుగుతోంది. ఈ సినిమాలో రాముడిగా రామ్ చరణ్ నటిస్తున్నట్లు వార్తలు వచ్చాయి.
sukumar
హను-మాన్ ట్రైలర్ రిలీజ్ తర్వాత.. హనుమంతుడి కళ్లు చూసి చిరంజీవియేనని అంతా అనుకున్నారు. కానీ విడుదల అయ్యాక తెలిసిపోద్ది అని ఫిక్సయ్యారు. కానీ హనుమంతుడి ఫేస్ ఎక్కడా రివీల్ చేయకుండా ప్రశాంత్ వర్మ సస్పెన్స్ మెయింటైన్ చేశారు. చాలా మంది ఆ కళ్లు, సగం ఫేస్ చూస్తుంటే రానా దగ్గుబాటిలా అనిపిస్తుందని అంటున్నారు. కొందరు ఆ కళ్లు రానావేనని చెబుతున్నారు.
ఇటీవల హను-మాన్ ప్రమోషన్ లో రానా పాల్గొన్నారు. మనసులకు దగ్గరగా ఉండే అంశంతో హను-మాన్ ను తెరకెక్కించారని ఆయన అన్నారు. ప్రశాంత్ వర్మ తొలి చిత్రానికే 2 జాతీయ అవార్డులు వచ్చాయని గుర్తు చేశారు. రానా ప్రశాంత్ వర్మను పొగడడం ఇప్పుడు హనుమాన్ సీన్స్ కు సంబంధించిన కళ్లు అలానే ఉండడం మరింత బలాన్ని ఇస్తోంది. మరి ‘జై హనుమాన్’లో హనుమంతుడిగా ఎవరు కనిపించబోతున్నారనేది తెలియాలంటే కొన్ని నెలలు ఆగాలి. ఈ సీక్వెల్ 2025 లో ఆడియన్స్ ముందుకు రాబోతుంది.