IPL Happy Days
IPL Happy Days : ఐపీఎల్ ఏ ముహూర్తన ప్రారంభించారో గాని క్రికెట్ అభిమానులకు అంతులేని ఆనందం, ఆటగాళ్లకు మరుపురాని క్షణాలను అందిస్తోంది. భారత్ లో మండుటెండల్లో మజా అందించే ఈ టోర్నీ క్రికెట్ ఆటకు ఆదరణను మరింత పెంచుతోంది. ఐపీఎల్ లో ఆడాలని ప్రపంచంలోని ప్రతీ క్రికెటర్ కు ఓ కల అనే చెప్పాలి. ఐసీసీ టోర్నమెంట్ల కంటే ఐపీఎల్ లో ఆడడానికే క్రికెటర్లు మక్కువ చూపడానికి ఎన్నో కారణాలు చెప్పవచ్చు.
ప్రపంచంలోనే ఏ టోర్నీకి లేనంతగా ఐపీఎల్ కు క్రేజ్ ఉందడనంలో సందేహం లేదు. వివిధ దేశాల ఆటగాళ్లను ఒక్క జట్టుగా చేర్చి..తమ దేశ ఆటగాళ్లే ప్రత్యర్థులుగా గొప్ప అనుభూతిని పంచుతోంది ఐపీఎల్. ఐపీఎల్ లో ఆటగాళ్లకు డబ్బుకు డబ్బు, పేరు వస్తోంది. అంతకుమించి భారత అభిమానుల అంతులేని అభిమానం లభిస్తోంది. వరల్డ్ కప్ లో ఫైనల్ లో భారత టీం ఓటమికి కారణమైన ఆస్ట్రేలియా బ్యాటర్ ను ఇక్కడి జనాలు ఎంతగా తిట్టుకున్నారో. అలాంటిది ఐపీఎల్ లో అదే ఆటగాడికి ఫ్యాన్ గా మారిపోయారు. ఇక వార్నర్ అయితే తెలుగు వాడు అయిపోయాడు. తెలుగు రాష్ట్రాల్లో అతడిని తమలో ఒకడుగా భావిస్తున్నారు. ఇక కమిన్స్, క్లాసెన్.. ఇలా ఎంతోమంది విదేశీ ఆటగాళ్లను భారత క్రికెట్ అభిమానులు ఆదరిస్తున్నారు.
ఇదిలా ఉండగా ఐపీఎల్ లో ఒక జట్టు తరఫున ఆడే వివిధ దేశాల ఆటగాళ్లు ఫ్రెండ్స్ గా మారిపోతున్నారు. ఐసీసీ టోర్నీలో ప్రత్యర్థులుగా కారాలు మిరియాలు రువ్వుకునే ఆటగాళ్లు..ఐపీఎల్ లో దోస్త్ మేరా దోస్త్ అంటున్నారు. విదేశీ ఆటగాళ్లు ఇక్కడి ఆటగాళ్లతో మమేకమై మరుపురాని క్షణాలను అనుభవిస్తున్నారు. నెట్ ప్రాక్టిస్ లోనూ, రెస్టారెంట్లలో భోజనం చేసేటప్పుడు..ఇలా అనేక సందర్భాలు వారికి ఎంతో ఆనందాన్ని ఇస్తున్నాయి. ఇదంతా ఐపీఎల్ వల్లే కావడం విశేషం. ఇదంతా ఐపీఎల్ మాయే అని గర్వంగా చెప్పవచ్చు. ఆటగాళ్ల అద్భుత క్షణాలు అనుభవిస్తున్న ఓ వీడియోను మీరు కూడా చూసి ఎంజాయ్ చేయండి మరి.
