IPL 2024 Launch
IPL 2024 Launch : భారత్ తో పాటు ప్రపంచ వ్యాప్తంగా ఎప్పుడెప్పుడా అని ఎదురు చూసే ఇండియన్ ప్రీమియర్ లీగ్ (ఐపీఎల్) మార్చి 22 (శుక్రవారం) నుంచి ప్రారంభమవుతుంది. భారత్ వ్యాప్తంగా సాగే ఈ సీజన్ ఒక్క భారతదేశమే కాకుండా వరల్డ్ వైడ్ గా కూడా ఫేమస్ అయ్యింది. ప్రపంచంలోని అన్ని దేశాల ఆటగాళ్లు ఐపీఎల్ లో పాల్గొంటారు.
ప్రారంభోత్సవ వేడుకలకు బాలీవుడ్ నటుడు అక్షయ్ కుమార్, మ్యూజిక్ ఐకాన్ ఏఆర్ రెహమాన్ హాజరుకానున్నారు. వీరితో పాటు ప్లేబ్యాక్ సెన్సేషన్ సోనూ నిగమ్, వెర్సటైల్ యాక్టర్ టైగర్ ష్రాఫ్ కూడా చేరనుండడంతో ఎంఏ చిదంబరం స్టేడియంలో చెన్నై సూపర్ కింగ్స్ ఈ సీజన్ ప్రారంభ మ్యాచ్ లో రాయల్ ఛాలెంజర్స్ బెంగళూరుతో తలపడనుంది.
టాస్ కు 30 నిమిషాల ముందు రాత్రి 7 గంటలకు ప్రారంభం కానున్న ఐపీఎల్ 2024 ప్రారంభోత్సవం క్రికెట్ సంబరాలకు రసవత్తరంగా ప్రారంభం కానుంది. రాత్రి 7.30 గంటలకు ఎంఎస్ ధోనీ, డుప్లెసిస్ టాస్ ఎదుర్కొనగా.. రాత్రి 8 గంటలకు మ్యాచ్ ప్రారంభం కానుంది.
సాయంత్రం మ్యాచ్ లు రాత్రి 8 గంటలకు, పగటి మ్యాచ్ లు 3.30 గంటలకు ప్రారంభమవుతాయి.
ఐపీఎల్ కు అన్ని జట్లు సిద్ధమయ్యాయి. గత మ్యాచ్ ల అనుభవాలను అంచనా వేసుకొని ఈ సారి ప్రతీ జట్టు కప్పు కోసం తీవ్రంగా శ్రమిస్తుందని తెలుస్తోంది. దీనితో పాటు మార్కెట్ లో బెట్టింగ్ రాయుళ్లకు కూడా ఐపీఎల్ కోట్లు కుమ్మరించనుంది.