Search
HomeExclusive

IPL-17 Promo : ఐపీఎల్- 17 ప్రోమో: మన పంత్, అయ్యర్ కేకో కేక

IPL-17 Promo

IPL-17 Promo Highlights

IPL-17 Promo : ఇండియన్ ప్రీమియర్ లీగ్ (ఐపీఎల్) సీజన్ 17కు సర్వం సిద్ధమైంది. ఇప్పటికే అన్ని జట్లు సన్నాహకాల్లో మునిగిపోయాయి. మొదటి దశ షెడ్యూల్ ను కూడా బీసీసీఐ ప్రకటించింది. సార్వత్రిక ఎన్నికల నేపథ్యంలో సెకండ్ షెడ్యూల్ తర్వాత ప్రకటిస్తామని బీసీసీఐ చెప్పింది. ప్రసార హక్కులను స్టార్ స్పోర్ట్స్ దక్కించుకుంది. మూడు వారాల్లో ప్రారంభం కానున్న ఐపీఎల్ సీజన్ 17కు సంబంధించి ప్రోమోను స్టార్ స్పోర్ట్స్ ఇటీవల రిలీజ్ చేసింది. ప్రోమోలో యంగ్ ప్లేయర్స్ అయిన రిషబ్ పంత్, అయ్యర్, హార్దిక్ పాండ్యా, రాహుల్ కనిపించారు.ప్రోమో మొత్తం 90 సెకండ్లు కట్ చేశారు. ఆసక్తికరంగా ఉండడంతో.. ఐపీఎల్-17పై అభిమానుల అంచనాలు పెరిగాయి.

ప్రోమోలో యువ ఆటగాడు రిషబ్ సిక్కు వేష ధారణలో కనిపించాడు. సందీప్ రెడ్డి దర్శకత్వంలో వచ్చిన యానిమల్ లో రణ్ బీర్ కపూర్ స్టయిల్ లో పంత్ ఎంట్రీ ఇచ్చాడు. రిషబ్ ఒక పంజాబీ దాబాకు వస్తాడు. గతేడాది ఐపీఎల్ ఫైనల్స్ లో గుజరాత్ టైటాన్స్‌పై సిక్స్ కొట్టి చెన్నై జట్టును జడేజా గెలిపిస్తాడు. అప్పుడు డ్రెస్సింగ్ రూంలో ఉన్న ధోని మైదానంలోకి పరిగెత్తుకుంటూ వచ్చి జడేజాను హత్తుకుంటాడు.. ఆ సన్నివేశం చూసి పంత్ కన్నీరు కారుస్తాడు.

‘కోల్‌కతా నైట్ రైడర్స్’ కెప్టెన్ అయ్యర్ బెంగాలీ వేషధారణలో కనిపించాడు. సోడాబుడ్డి అద్దాలు పెట్టుకొని గుజరాత్ జట్టుపై గతేడాది రింకూ సింగ్ ఆఖరి ఓవర్ లో వరుసగా 5 బంతుల్లో 5 సిక్సర్లు కొడతాడు. ఆ వీడియో అయ్యర్ తన కుటుంబ సభ్యులతో కలిసి వీక్షిస్తూ ఎంజాయ్ చేస్తున్నట్టు కనిపించాడు.

‘లక్నో’ కెప్టెన్ రాహుల్ విద్యార్థిగా కనిపిస్తాడు. ఆ సీజన్ లో లక్నో బెంగళూర్ జట్టుతో ఆడిన మ్యాచ్ లో ఓడిపోతుంది. దీనికి ఎంపైర్ నిర్ణయం తప్పని తెలుస్తుంది. ఆ మ్యాచ్ ఓడిపోవడం చూసి అసహనంతో రాహుల్ బుక్ విసిరాడు. ఆ తర్వాత అంపైర్ పై అరుస్తాడు.

ఇక హార్దిక్ పాండ్యా విషయానికి వస్తే ఓ కంపెనీ సీఈవో పాత్రలో నటించాడు.. వ్యాపారంలో భాగంగా జపాన్ ప్రతినిధులతో సమావేశం అవుతాడు. అది ముగిసిన వెంటనే.. తన పక్కన ఉన్న టీవీలో ‘ముంబై ఇండియన్స్’ ఐదో సారి విజేతగా నిలిచిందనే వార్త ప్రసారమవుతుంది. దీంతో పాండ్యా హర్షం వ్యక్తం చేస్తాడు. జపాన్ ప్రతినిధులతో సంబురాలు చేసుకుంటాడు.

ఇలా నలుగురు యంగ్ ప్లేయర్స్ తో స్టార్ స్పోర్ట్స్ ప్రోమో రలీజ్ చేసింది. ఆ ప్రోమో ఆదివారం సాయంత్రం విడుదల చేసింది. విడుదలైన గంటలోనే భారీ వ్యూవ్స్ తో సోషల్ మీడియాలో ప్రభంజనం సృష్టించింది. ఈ ప్రోమోతో ఐపీఎల్ సీజన్ 17 ప్రేక్షకులకు అంతకుమించి ఆనందాన్ని పంచుతుందని స్టార్ స్పోర్ట్స్ చెప్పకనే చెప్పింది.

TAGS