MLC Elections : ఆసక్తికరంగా పట్టభద్రుల ఎమెల్సీ ఎన్నిక – ముగ్గురూ బీజేపీలో పనిచేసినవారే..

MLC Elections

MLC Elections : వరంగల్-ఖమ్మం-నల్గొండ పట్టభద్రుల ఎమ్మెల్సీ ఎన్నిక ఆసక్తికరంగా మారింది. ఈ నెల 27న ఈ ఎమ్మెల్సీ ఉపఎన్నిక జరుగనుంది. అయితే, ఈ ఎన్నికల బరిలో నిలిచిన ప్రధాన పార్టీల అభ్యర్థులు కాంగ్రెస్ నుంచి తీన్మార్ మల్లన్న, బీజీపీ గుజ్జుల ప్రేమేంద్ర రెడ్డి, బీఆర్ఎస్ ఏనుగుల రాకేశ్ రెడ్డిలు గతంలో బీజేపీలో పనిచేసిన వారే కావడం విశేషం.

జర్నలిస్టుగా కెరీర్ ప్రారంభించిన తీన్మార్ మల్లన్న 2015లో ఇదే నియోజకవర్గం నుంచి కాంగ్రెస్ తరపున ఎమ్మెల్సీ బరిలో నిలిచి ఓటమి పాలయ్యారు. హుజూర్ నగర్ అసెంబ్లీ ఉప ఎన్నికతో  పాటు, 2021 పట్టభద్రుల ఎమ్మెల్సీ ఎన్నికల్లో పోటీ చేసి ఓడిపోయారు. అనంతరం 2021లో బీజీపీలో చేరారు. తిరిగి 2023లో కాంగ్రెస్ గూటికి చేరారు.

బీజేపీ అభ్యర్థి గుజ్జుల ప్రేమేంద్ర రెడ్డి ఆ పార్టీలో అనేక పదవీ బాధ్యతలు నిర్వహించి ప్రస్తుతం రాష్ట్ర ప్రధాన కార్యదర్శిగా బాధ్యతలు నిర్వహిస్తున్నారు. ఒక బీఆర్ఎస్ అభ్యర్థి ఏనుగుల రాకేశ్ రెడ్డి 2013లో బీజీపీలో చేరి బీజేవైఎంలో పదవులు నిర్వహించారు. పార్టీ రాష్ట్ర అధికార ప్రతినిధిగా, భద్రాద్రి జిల్లా ఇన్ చార్జిగా పని చేశారు. ఈ ఏడాది బీఆర్ఎస్ లో చేరి ఎమ్మెల్సీ అభ్యర్థిగా పోటీ చేస్తున్నారు.