Modi Viral Video : మోదీకి ఇండోర్ బ్రహ్మరథం..80 ఏండ్ల చరిత్రలో కనివిని ఎరుగని రీతిలో.. ఈ వీడియో చూస్తే గూస్ బంప్స్ పక్కా..

Modi Viral Video : ప్రధాని నరేంద్ర మోదీ హయాంలో భారత్ ప్రభ తళుకులీనుతోంది. ఎవరూ ఊహించని స్థాయిలో భారత్ ఘన విజయాలతో ప్రపంచం ముంగిట సగర్వంగా నిలబడుతోంది. ఏ ప్రధాని చేయలేని సాహసోపేతమైన నిర్ణయాలు తీసుకుని ప్రపంచ అగ్రనేతగా కొనియాడబడుతున్నారు. ప్రపంచంలోనే అత్యంత మంది ఆరాధించే వ్యక్తులుగా నంబర్ వన్ గా మోదీ ఉన్నారు. గత పదేళ్లలో మోదీ చేసిన గొప్ప పనులు, నిర్ణయాలు  భారత భవితను మార్చేవే అని చెప్పుకోవచ్చు.

మోదీ చేసిన గొప్ప పనులు..

– అయోధ్య రామాలయ నిర్మాణాన్ని ఎవరూ ఊహించి ఉండరు. కోట్లాది హిందువుల కోరికను నెరవేర్చిన ఘనత మోదీదే. ఏ చిన్న గొడవ లేకుండా రామాలయాన్ని నిర్మించడమే మోదీ చాణక్యానికి నిదర్శనం. ఇరువర్గాల మధ్య సయోధ్యను కుదిర్చి.. గొప్ప ఆలయాన్ని నిర్మించి అయోధ్యను గొప్ప ఆధ్యాత్మిక కేంద్రంగా మార్చారు.

– జమ్మూ కశ్మీర్ కు ప్రత్యేక హోదా కల్పించే ఆర్టికల్ 370 రద్దు. ఈ నిర్ణయాన్ని ఎవరూ ఊహించలేదు. హామీ ఇచ్చినట్టుగా ఏ ఒక్క చిన్న ఇబ్బంది లేకుండా ఈ నిర్ణయాన్ని అమలు చేయగలిగారు. దీంతో జమ్మూ కశ్మీర్  అద్భుతమైన ప్రగతి సాధించగలుగుతోంది.

– సెప్టెంబర్ 2016లో పాక్ ఆక్రమిత కశ్మీర్ లో భారత ప్రత్యేక బలగాలు సర్జికల్ స్ట్రైక్స్ నిర్వహించారు. ఫిబ్రవరి 2019లో పాకిస్తాన్ ఖైబర్-పఖ్తుంఖ్వా ప్రావిన్స్ లోని బాలాకోట్ లోని ఉగ్రవాద శిబిరాలపై భారత వైమానిక దళం దాడి.

– తక్షణ త్రిపుల్ తలాక్ ను నేరంగా పరిగణించే బిల్లు 2019 జులైలో పార్లమెంట్ ఆమోదించింది. ముస్లిం మహిళలకు ఇదొక రక్షణ చట్టం.

– కోట్లాది భారతీయులు రెండు డోసుల కరోనా వ్యాక్సిన్లు ఉచితంగా అందించి ప్రాణాలను కాపాడారు. ఎన్నో దేశాలకు వ్యాక్సిన్లను ఉచితంగా అందించారు.

– జీఎస్టీ అమలు

– దేశవ్యాప్తంగా అద్భుతమైన హైవేల నిర్మాణం. వందేభారత్  సెమీ హైస్పీడ్ రైళ్ల ఆవిష్కరణ. త్వరలోనే బుల్లెట్ రైలు పరుగులు.

-పౌరసత్వ సవరణ చట్టాన్ని తీసుకొచ్చింది. ఇది మరొక చరిత్రాత్మక చర్య. పాకిస్తాన్, బంగ్లాదేశ్, ఆఫ్ఘనిస్తాన్ లలో హింసించబడిన ముస్లిమేతర మైనార్టీలకు భారతీయ పౌరసత్వం మంజూరు.

– అబుదాబిలో బాప్స్ ఆలయ నిర్మాణం. వివిధ దేశాల అధినేతలతో మాట్లాడి హిందూ సంస్కృతికి పునరుజ్జీవనం తేవడం.

ఇలా ఎన్నెన్నో గొప్ప పనులు చేసిన ఘనత మోదీదే. అందుకే దేశ ప్రజలు మూడో సారి మోదీనే ప్రధానిగా చేసేందుకు సంకల్పించారు. మా కోసం మోదీ..మోదీతో మేము అంటూ ఓటర్లు ఆయనకు ఓటు వేసేందుకు రెడీ అయ్యారు. తాజాగా మధ్యప్రదేశ్ లోని ఇండోర్ లో ప్రధాని మోదీ ఎన్నికల ప్రచార రోడ్ షోకు అనూహ్య స్పందన లభించింది. దేశంలో గత 80 ఏండ్లలో రాజకీయ చరిత్రలో ఎవరికీ లభించని.. ఎవరికీ దొరకని..కనివిని ఎరుగని రీతిలో ప్రజలు బ్రహ్మరథం పట్టారు. మోడీ..మోడీ అంటూ ఇండోర్ విధులు మార్మోగిపోయాయి. కిలో మీటర్ల పొడవునా పూల వర్షంతో ప్రజలు స్వాగతం పలికారు. మోదీ రోడ్ షో వీడియోను చూస్తేనే గూస్ బంప్స్ వస్తున్నాయంటూ బీజేపీ శ్రేణులు సంబురపడిపోతున్నారు. మరోసారి మోదీ పక్కా అంటూ కామెంట్లు చేస్తున్నారు.