New Jersey : న్యూ జెర్సీలో ఇండియా ఎన్నికల రిజల్ట్ డేకు భారీ ఏర్పాట్లు..  మోడీ విజయ సందడి షురూ

New Jersey in Modi Craze

New Jersey : దేశంలో సార్వత్రిక ఎన్నికలు ముగింపు దశకు చేరుకున్నాయి. తుది విడత ఎన్నికలు (7వ) నేడు జరుగబోతున్నాయి. నేడు సాయంత్రం 6.30తర్వాత ఎగ్జిట్ పోల్స్ రానున్నాయి. పలు సంస్థలు  తాము చేసిన సర్వేల ద్వారా ప్రజలు ఏ పార్టీ వైపు మొగ్గుచూపారో..ఏ అభ్యర్థిని గెలిపించబోతున్నారో..ఏ పార్టీ అధికారంలోకి రాబోతుందో వెల్లడించనున్నారు. వీటి కోసం దేశమే కాదు విదేశాల్లో ఉన్న భారతీయులు సైతం ఉత్కంఠగా ఎదురుచూస్తున్నారు. అయితే ఈ ఎగ్జిట్ పోల్స్ నిజమవుతాయా? అనేది పక్కన పెడితే జనాలకు అసలు ఫలితాలు వచ్చే దాక కాస్త టైంపాస్ అని చెప్పుకోవచ్చు. ఇక అసలు ఫలితాలు జూన్ 4న రాబోతున్నాయి.

ఎగ్జిట్ పోల్స్ సంగతి ఎలా ఉన్నా.. దేశంలోనూ, విదేశాల్లోనూ మోదీ మూడోసారి ప్రధాని కావడం ఖాయం అని ఎక్కువ మంది అంచనా వేస్తున్నారు. మోదీ క్రేజ్ దేశంలోనే విదేశాల్లో మరింత ఎక్కువ. విదేశాల్లో ఉన్న భారతీయుల్లో ఎక్కువ మంది మోదీ ఫాలోవర్స్ గా ఉన్నారు. మోదీ గెలుపు కోసం వారు ఎంతో కాలంలో సోషల్ మీడియా ఫ్లాట్ పామ్స్ ల్లో మద్దతు ప్రకటిస్తూ వస్తున్నారు.

ఇక మూడోసారి మోదీ రావడం పక్కా అంటూ అమెరికాలోని న్యూజెర్సీలో విజయోత్సవాలు అప్పుడే స్టార్ట్ చేశారు. ఓ మోదీ అభిమాని దేశీ గెలాక్సీ హోటల్ యజమాని ఉచితాలు ప్రకటించేశాడు. రిజల్ట్ డే కోసం అతను ఆసక్తిగా ఎదురుచూస్తున్నాడు. మోదీ మరోసారి ప్రధానిగా ఎన్నిక కావడం ఖాయమని..ఈ ఆనందోత్సవ సందర్భంగా కస్టమర్లకు ఫలితాలు వెల్లడయ్యే జూన్ 4వ తేదీన మధ్యాహ్నం 12 గంటల నుంచి సాయంత్రం 6 గంటల వరకు ‘మేథి పకోడా’ ఉచితంగా అందించనున్నట్టు ఆఫర్ ప్రకటించేశాడు. ఇది చూసిన అమెరికన్లు, ఇతర దేశాలు అమెరికాలో కూడా మోదీ మేనియా ఇంతగా నడుస్తోందేంట్రా బాబూ అంటూ ఆశ్చర్యపోతున్నారు.  అమెరికాలోనే కాదు మూడో సారి మోదీ రావడం పక్కా అంటూ బ్రిటన్, ఆస్ట్రేలియా, ఇతర దేశాల్లో సైతం సంబరాలకు సిద్ధమైపోయారు మోదీ అభిమానులు.