Pooja Shah
Pooja Shah : అబుదాబిలో జరిగే 2024 మహిళల వరల్డ్ కప్ క్వాలిఫయర్ లో యూఎస్ఏ మహిళా క్రికెట్ జట్టు తరఫున పూజా షా ఎంపికై మరోసారి వార్తల్లో నిలిచింది. డల్లెస్ హైస్కూల్ విద్యార్థిని పూజా షా 2020 తర్వాత క్రికెట్ ఆటను నేర్చుకుంది. దీని కోసం ఆమె షుగర్ ల్యాండ్ యూత్ క్రికెట్ క్లబ్ లో చేరింది. జట్టులో ఆమె మాత్రమే అమ్మాయి. 2023 ఏడాది ఆరంభంలో దక్షిణాఫ్రికాలో జరిగిన తొలి అంతర్జాతీయ అండర్-19 మహిళల టోర్నమెంట్ లో ఆడిన ఆమె దేశంలోనే తొలి అండర్-19 (అండర్-19) మహిళల జట్టులో సభ్యురాలిగా గుర్తింపు పొందింది.
పూజా షాకు క్రికెట్ చూడడం, ఆడడం అంటే ఎంతో ఇష్టం. అయితే షా కుటుంబంలో ఎవరూ ప్రొఫెషనల్ స్థాయిలో క్రికెట్ ను ఆడలేదు. అయినా ఆమె చాలా మంది భారతీయ, భారతీయ అమెరికన్ కుటుంబాల మాదిరిగానే క్రికెట్ ను ఫాలో అయ్యింది. చుట్టుపక్కల ఉన్న తన సోదరుడు, స్నేహితులతో కలిసి ఆడుకుంది. పూజా షా క్రికెట్ తో పాటు బాస్కెట్ బాల్ ను కూడా బాగా ఆడుతుంది.
ఈ సందర్భంగా పూజా షా మాట్లాడుతూ..ఆటలో ‘టీమ్ వర్క్ చాలా ముఖ్యం’ అని చెప్పింది. టీమ్ వర్క్ ను ఆటలోనే కాదు మైదానం వెలుపల కూడా పాటిస్తానని తెలిపింది.
చాలా మంది విద్యార్థి అథ్లెట్ల మాదిరిగానే, పూజా షా పాఠశాల హిందూ స్టూడెంట్ అసోసియేషన్ అధ్యక్షురాలిగా, నేషనల్ హానర్ సొసైటీలో సభ్యురాలిగా, హ్యూస్టన్ మెథడిస్ట్ లో వలంటీర్ గా పనిచేస్తూ బిజీగా ఉంది. స్థానిక, జాతీయ, అంతర్జాతీయ టోర్నమెంట్లలో కూడా ఆడే ఆమె ఏదో ఒక రోజు సీనియర్ మహిళా జట్టులో స్థానం సంపాదించాలని భావించేది. ఆమె కల ప్రస్తుతం నెరవేరడం విశేషం.
పూజా షా తండ్రి అక్షయ్ తమ కూతురి ఘనతపై స్పందిస్తూ తమ బిడ్డ చదువు, క్రీడలు రెండింటిని చక్కగా బ్యాలెన్స్ చేస్తుందని చెప్పారు. ఆమె చదువుకు అత్యంత ప్రాధాన్యం ఇస్తుందని, హెల్త్ కేర్, మెడిసిన్ లో కెరీర్ ను కొనసాగించాలని, ఆర్థోపెడిక్ సర్జన్ లేదా స్పోర్ట్స్ మెడిసిన్ లో స్పెషలిస్ట్ కావాలని ఆమె లక్ష్యంగా పెట్టుకుంది. కాగా, పూజా షా యూఎస్ఏ మహిళా క్రికెట్ జట్టుకు ఎంపిక కావడంపై కుటుంబ సభ్యులు, ఎన్ఆర్ఐలు హర్షం వ్యక్తం చేస్తున్నారు.