Viral Video
Viral Video : ఈ రోజు ఉదయం టీ20 వరల్డ్ కప్ తో టీమిండియా భారత్ లో అడుగుపెట్టింది. చివరి మ్యాచ్ సౌతాఫ్రికాతో ఆడిన టీమిండియా సునాయాసంగా టీ20 వరల్డ్ కప్ ను గెలుచుకుంది. ఆ తర్వాత తుఫాన్, తదితర కారణాలతో ఇండియా టీమ్ రావడం ఆలస్యమైంది. నేడు భారత్ కు వచ్చిన టీమును ప్రధాని నరేంద్ర మోడీ అభినందించనున్నారు. ఆ తర్వాత టీమిండియా సభ్యులు వారి వారి ఇండ్లకు బయల్దేరుతారు. ఇందులో కొందరు జింబాబ్వే టూరుకు వెళ్లనున్నారు వారు 6న బయల్దేరుతారు.
పొరుగున ఉన్న దాయాది దేశం పాకిస్తాన్ గత కొన్నేళ్లుగా క్రికెట్ లో పేలవమైన ప్రదర్శన ఇస్తూ వస్తోంది. ఇండియాతో మ్యాచ్ అంటే బాగా టైట్ చేసి మిగతా దేశాలతో మాత్రం లైట్ తీసుకుంటుంది. ఫలితంగా పాక్ టీం సొంత దేశంలోనే విమర్శలను ఎదుర్కొంటోంది. వరల్డ్ కప్ లో అంతగా రాణించని పాకిస్తాన్, టీ20 వరల్డ్ కప్ లో మరింత పేలవంగా మారింది. కనీసం సెమీ ఫైనల్ వరకు కూడా రాలేదు.
పాకిస్తాన్ పేలవమైన ఆటతీరుతో ఆ దేశ పౌరులు సీరియస్ గా ఉన్నారు. అసలు ఆర్థిక కష్టాల్లో ఉన్న దేశం కోట్లాది రూపాయలు వెచ్చించి టీమును మేపుతుంటే వీరు కప్పులు తేకుండా టైం పాస్ చేస్తున్నారని ఆగ్రహం వ్యక్తం చేస్తున్నారు. పాక్ క్రికెట్ టీంను ట్రోల్ చేస్తూ వీడియోలు చేస్తున్నారు. పొరుగున ఉన్న భారత్ కప్ తీసుకెళ్లింది కాబట్టి లోటల (మగ్గు)లో ఛాయ్, కాఫీలు తాగాలని చెప్తున్న ఈ వీడియో చూస్తే నవ్వాపుకోలేరు.
ఈ వీడియో వైపు జర లుక్కేయండి..
