Mahesh-Rajamouli
Mahesh-Rajamouli : సూపర్ స్టార్ మహేశ్ బాబు నటించిన తాజా చిత్రం ‘‘గుంటూరు కారం’’ మిక్స్ డ్ టాక్ తెచ్చుకున్నా దాదాపు రూ.200కోట్లకు పైగానే వసూలు చేసింది. సినిమా కథ దెబ్బతీసిందనే టాక్ వచ్చింది గాని మహేశ్ లుక్ విషయంలో గాని, అతడి నటన విషయంలో వంద మార్కులు పడ్డాయి. సినిమాకు నెగిటివ్ టాక్ రావడానికి కారణం డైరెక్షనే అని ఫ్యాన్స్, విశ్లేషకులు అభిప్రాయపడ్డారు. ఇక ఆ సినిమా ఫలితం గురించి ఫ్యాన్స్ మరిచిపోయారు. తాజాగా రాజమౌళి సినిమాపైనే వారి ఆశలన్నీ.
రాజమౌళి సినిమా అంటేనే ఓ రేంజ్ లో ఉంటుంది. సినిమా షూటింగ్ ప్రారంభం కానప్పటి నుంచి..సినిమా విడుదలై బ్లాక్ బస్టర్ టాక్ తెచ్చుకునే దాక రాజమౌళి చెప్పినట్టే నడుచుకోవాలి. దీని ద్వారా సదరు హీరోకే లాభం తప్ప నష్టం ఉండదు. అందుకే జీవితంలో ఒక్కసారైనా రాజమౌళి డైరెక్షన్ లో సినిమా చేయాలని కోరుకుంటారు.
ఇక రాబోయే మహేశ్- రాజమౌళి మూవీపై ఎన్నో అంచనాలు ఉన్నాయి. మహేశ్ బాబు క్యారెక్టర్ లుక్ తో పాటు సినిమా విశేషాలను అత్యంత గోప్యంగా ఉంచేందుకు రాజమౌళి మరిన్ని జాగ్రత్తలు తీసుకుంటున్నట్లు సమాచారం. ఈ స్థాయి సీక్రెట్ మెయింటెన్ సాధించడానికి, మహేశ్ బాబును అజ్ఞాతంలోకి వెళ్లాలని, తద్వారా మార్చి నుంచి మహేశ్ బహిరంగంగా కనిపించడం పరిమితం చేయాలని రాజమౌళి కోరినట్లు సమాచారం. ఈ ప్రాజెక్ట్ గురించి మరింత తెలుసుకోవడానికి ఆసక్తిగా ఉన్న అభిమానుల్లో ఇది మరింత ఉత్సాహాన్ని రేకెత్తిస్తోంది. రాజమౌళి అభ్యర్థన వెనుక ఉన్న కారణం తెలియనప్పటికీ సినిమా అద్భుతంగా ఉండబోతుందనే విషయం మాత్రం అర్థమవుతుంది.
మహేశ్ బాబు స్టార్ స్టామినా, రాజమౌళి ట్రాక్ రికార్డ్ రెండింటితో ఈ అప్ కమింగ్ ప్రాజెక్ట్ ఇప్పటికే చెప్పుకోదగ్గ బజ్ క్రియేట్ చేస్తోంది. ఈ చిత్రానికి సంబంధించిన ఏదైనా అధికారిక అప్డేట్ లేదా గ్లింప్స్ కోసం అభిమానులు ఆసక్తిగా ఎదురుచూస్తున్నారు. ఎలాగూ సినిమా స్టార్ట్ చేసే ముందు రాజమౌళి అఫీషియల్ ప్రెస్ మీట్ కోసం చాలా మంది ఎదురు చూస్తున్నారు. అక్కడే కథను కూడా ముందే చెప్పేస్తాడు. మరి దానికి ఎప్పుడూ ముహూర్తం నిర్ణయిస్తారో అని ఫ్యాన్స్ ఎదురుచూస్తున్నారు.