Script : స్క్రిప్టు విషయంలో  ఆ హీరో తర్వాతే ఎవరైనా.. ఇంతకీ ఆయన ఎవరంటే?

script Selection : తమిళ్ ఇండస్ట్రీలో స్టార్ హీరోలుగా చాలా మంది పేరు తెచ్చుకున్నారు. రజినీకాంత్, కమల్ హాసన్, అజిత్, విజయ్, ఇలా చెప్పుకుంటూ పోతే చాంతడంత లిస్టు ఉంటుంది. అలాంటి లిస్టులో ఉండే పేర్లలో సూర్య ఒకరు.
సూర్యకు స్పెషల్ ఫ్యాన్స్ బేస్ ఉంది. ఆయన చేసే ప్రతి సినిమా కు ప్రత్యేకమైన కంటెంట్ ఉంటుంది. ఈ  సినిమాలో మంచి కథ, విభిన్నమైన అంశాలు దాగి ఉంటాయి. ఈయనకు తెలుగులో కూడా మంచి ఫ్యాన్స్ ఫాలోయింగ్ ఉంది. సూర్య స్క్రిప్ట్ విషయంలో మాత్రం చాలా స్టిక్ట్ గా ఉంటాడని సమాచారం. ఆయన చేసే ప్రతి సినిమాలో స్క్రిప్ట్ పర్ఫెక్ట్ గా ఉండేలా చూసుకుంటారు.

స్టోరీ విన్న తర్వాత ఎలా ఉంది మనకు సూట్ అవుతుందా లేదా అనే విషయంపై ఆలోచిస్తారని తెలుస్తోంది. ప్రస్తుతం జనరేషన్ లో సినిమాలు వర్కవుట్ అవుతాయా లేదా అనే విషయాలు తెలుసుకోవడానికి ఆయన చాలా కసరత్తులు చేస్తున్నారు. ఒక వేళ ఆ క్యారెక్టర్ చేస్తే ఆ సినిమాలో తనను ప్రేక్షకులు ఆదరిస్తారా లేదా అనే అంశాన్ని క్షుణ్నంగా పరిశీలన చేసుకుంటారు.

ఇప్పటి వరకు తమిళ్ తో పాటు తెలుగులో కూడా ప్రత్యేకమైన ఫ్యాన్స్ ఫాలోయింగ్ ను సంపాదించుకున్న నటుల్లో సూర్య అగ్రస్థానంలో ఉంటాడని చెప్పడంలో సందేహం అక్కర్లేదు. గజిని, సెవెన్త్ సెన్స్, సూర్య సన్నాఫ్ కృష్ణన్, ఇలా చెప్పుకుంటూ పోతే ఎన్నో అద్భుతమైన చిత్రాలు తీసి అందులో గొప్ప క్యారెక్టర్లు వేసిన ఘనత సూర్యది. అందుకే సూర్య తీసుకునే నిర్ణయాలు దాదాపు 99 శాతం సక్సెస్ కాకుండా ఉండలేవు.

ప్రస్తుతం సూర్య శివ డైరెక్షన్ లో చేస్తున్న కంగువా సినిమాతో రాబోతున్నారు. ఈ సినిమా కూడా సరికొత్త కథగా ప్రత్యేకమైన విభిన్నమైన కథాంశంతో ఉందని అనుకుంటున్నారు. ఒక స్పెషల్ ఐడింటినీ కూడా క్రియేట్ చేసే అవకాశం ఉన్నట్లు ప్రచారం జరగుతోంది. మరి కంగువాతో సూర్య ఆడియన్స్ కు మెప్పిస్తాడా లేదా చూడాలి.