Tirumala
Tirumala : తిరుమలలో శ్రీవారి దర్శనానికి భక్తులు లక్షలో వస్తున్నారు. ఏప్రిల్ నెలలో 20.17 లక్షల మంది భక్తులు స్వామివారిని దర్శించుకున్నారని టీటీడీ ఈవో ధర్మారెడ్డి తెలిపారు. శుక్రవారం నిర్వహించిన డయల్ యువర్ ఈవో కార్యక్రమంలో వివరాలను వెల్లడించారు.
ఏప్రిల్ నెలలో భక్తులు సమర్పించిన కానుకల ద్వారా హుండీ ఆదాయం రూ. 101.73 కోట్లు వచ్చిందని ఈవో తెలిపారు. అదే నెలలో 94.22 లక్షల లడ్డూలను విక్రయించినట్లు, 39.73 లక్షల మంది భక్తులకు అన్న ప్రసాదం అందించినట్లు వివరించారు. ఇంకా 8.08 లక్షల మంది యాత్రికులు తలనీలాలు సమర్పించుకున్నారని టీటీడీ ఈవో ధర్మారెడ్డి వెల్లడించారు.
తిరుమల కొండమీద ప్రతిరోజు వేలాది మంది భక్తులు వేచి ఉంటారు. తిరుమలలో శ్రీవారిని ఒక్కరోజులో లక్ష మందికి పైగా భక్తులు దర్శనం చేసుకున్న సందర్భాలు ఉన్నాయి. అలాంటిది వేసవి సెలవుల్లో తిరుమలలో రద్దీ ఎలా ఉంటుందో తెలియంది కాదు.