Drone Hanuman
Drone Hanuman : హనుమాన్ ఆకృతిలో ఓ డ్రోన్ ఆకాశంలో చక్కర్లు కొడుతూ ఆకట్టుకుంటోంది. హనుమాన్ జయంతి సందర్భంగా ఛత్తీస్ గఢ్ లోని రాయ్ పూర్ లో డ్రోన్ హనుమంతుడు గాల్లో ఎగురుతూ దర్శనమిచ్చారు. ఈ దృశ్యాలను స్థానికులు ఆసక్తిగా తిలకిస్తూ వీడియో రికార్డు చేశారు. ఈ వీడియో క్లప్స్ సోషల్ మీడియాలో వైరల్ అవుతున్నాయి.
అయితే హనుమంతుడిని పోలిన డ్రోన్ ఎగురవేయడం ఇదే తొలిసారి కాదు. గతంలోనూ పలుచోట్ల ఇలాంటి డ్రోన్లను ఎగురవేశారు. గత దసరా వేడుకల్లో ఛత్తీస్ గఢ్ లోని అంబికాపూర్లో డ్రోన్ హనుమాన్ ను ఎగురవేశారు. అలాగే 2015లో ఉత్తరప్రదేశ్ రాజధాని లక్నోతో పాటు గతంలో పంజాబ్ లోని లుధియానాలో హనుమాన్ డ్రోన్లను ఎగురవేశారు. అప్పట్లో వాటికి సంబంధించిన వీడియోలు, ఫొటోలు సోషల్ మీడియాలో వైరలయ్యాయి.