Anil Ravipudi
Anil Ravipudi : యంగ్ అండ్ టాలెంటెడ్ డైరెక్టర్లలో అనిల్ రావిపూడి ఒకరు. ఇప్పటి వరకు ఒక్క ఫెయిల్యూర్ కూడా ఆయన ఖాతాలో లేదు. పైగా అన్నీ భారీ కలెక్షన్లను దక్కించుకొని బ్లాక్ బస్టర్ హిట్లు సాధించాయి. సినిమా కథ ఎంపిక నుంచి రిలీజ్ వరకు ఆయన నిబద్ధతగా పని చేస్తాడని అందుకే ఆయన సినిమాలు అంత సక్సెస్ రేటు కలిగి ఉన్నాయని ఇండస్ట్రీలో టాక్. రవితేజకు మంచి బ్రేక్ ఇచ్చిన ఆయన బాలకృష్ణతో కూడా మంచి హిట్లు అందించారు.
వరుసగా బ్లాక్ బస్టర్స్ అందిస్తూ పర్ఫెక్ట్ సక్సెస్ రేట్ ఉన్న అతికొద్ది మంది దర్శకుల్లో అనిల్ రావిపూడి ఒకరు. సాహు గారపాటి నిర్మించిన భగవంత్ కేసరిలో బాలకృష్ణ లాంటి మాస్ హీరో కోసం స్ట్రాంగ్ కంటెంట్ ను డీల్ చేయడానికి తన కంఫర్ట్ జోన్ ను దాటి సాహసోపేత నిర్ణయం తీసుకున్నాడు. శ్రీలీల జంటగా నటించిన ఈ చిత్రం అన్ని వైపుల నుంచి ప్రశంసలు అందుకోవడంతో పాటు బాక్సాఫీస్ వద్ద భారీ విజయాన్ని అందుకుంది.
ఇటీవల సైమాలో ఉత్తమ చిత్రం అవార్డును భగవంత్ కేసరి గెలుచుకుంది. ఇదిలా ఉంటే అనిల్ రావిపూడికి ఐఫాలో ఉత్తమ దర్శకుడిగా అవార్డు లభించింది. గుడ్ టచ్, బ్యాడ్ టచ్ అనే ముఖ్యమైన ఇతివృత్తాలను అనిల్ రావిపూడి అద్భుతంగా తెరకెక్కించడం మంచి గుర్తింపు. ప్రస్తుతం అనిల్ రావిపూడి వెంకటేష్ తో ఇంకా పేరు పెట్టని సినిమా చేస్తున్నాడు. ఇది సంక్రాంతి రేసులో ఉంటుందని, మంచి ఫ్యామిలీ ఎంటర్ టైన్ మెంట్ సినిమా అవుతుందని అంటున్నారు. వచ్చే ఏడాది సంక్రాంతి బరిలో భారీ చిత్రాలతో కలిసి పోటీలో ఉండబోతోందని చెప్తున్నారు.